Málimetterge qaraǵanda, Túrkia Reseimen kelisken, endi BUU-nyń qoldaýyn surap otyr. Bloomberg derekkóziniń aitýynsha, Ýkraina bul jospardy maquldamaǵan, óitkeni Odessa jaǵalaýyn minadan tazartqan ýaqytta port Resei shabýylyna tótep bere almai qalýy múmkin.
Resei syrtqy ister ministri Sergei Lavrov sársenbi kúni Ankarada osy jospardy talqylaidy dep josparlanǵan. Ýkraina bul kezdesýge óz ókilin jiberer-jibermesi ázirge belgisiz. Ýkrain porttaryn minadan tazartý máselesin dúisenbi kúni Ýkraina men Túrkiia qorǵanys ministrleri de talqylaǵan.
3 maýsymda Resei prezidenti Vladimir Pýtin ýkrain astyǵyn Ýkrainanyń reseilik ásker baqylaýyndaǵy Mariýpol jáne Berdiansk porttary arqyly shyǵarýdy usynǵan.
Resei men Ýkraina álemge astyq shyǵaratyn iri bestiktiń qataryna kiredi. Resei áskeri Ýkraina aýmaǵyna basyp kirgeli beri álemde azyq-túlik kúrt qymbattap ketti. BUU bas hatshysy Antoniý Gýterrish mamyr aiynda álemniń 43 elindegi 49 million adam ash qalýy múmkin ekenin málimdegen.
