Sharaǵa qatysqan óńir basshysy Janseiit Túimebaev shynaiy ári sapaly aqparat arqyly týrizmdi damytyp, investitsiia tartýǵa kóp kóńil bólip otyrǵanyn tilge tiek etti.
Sonymen qatar, forým barysynda Qazaqstanǵa belgili jýrnalister men sheteldik BAQ ókilderi osyndai erkin pikir alańyn qurý aqparat keńistiginiń ashyqtyǵyn odan ári arttyrýǵa múmkindik beretinine nazar aýdardy.
Basqosýda qazaqstandyq jáne sheteldik BAQ ókilderi jýrnalistikany damytý, Túrkistandy gúldendirý baǵytyndaǵy pikirleri men oilaryn aitty.
Forým aiasynda Túrkistan oblysy ishki saiasat barqarmasy men shetel basylymdary arasynda kelisimder men memorandýmǵa qol qoiyldy. Jańadan ashylǵan «Túrkistan media» halyqaralyq ortalyǵy arqyly endi oblys týraly aqparattardy túrki tildes elderdiń BAQ-da 5 tilde (ázirbaijan, túrik, ózbek, qyrǵyz, orys) taratý jóninde sheteldik aqparat quraldarymen kelisim jasaldy.
Forýmǵa qatysýshylar jýrnalistika salasyndaǵy sońǵy jańalyqtarǵa toqtalyp, jańa aqparat keńistiginde Túrkistannyń jýrnalistikasy zaman kóshinen qalmaitynyna senim bildirdi. Kieli mekenniń týristik jáne rýhani áleýetin kóterýde osyndai forýmdardyń oń serpin beretinin atap ótip, aqparat aidynynda Túrkistannyń damýyna qoldaý kórsetýge daiyn ekenderin jetkizdi.
