Aimaq basshysy áýeli «Túrkistan indýstrialdy aimaǵynda» ornalasqan «Grand miks» Jihaz fabrikasyna bardy. Kúlli Qazaqstandy jihazben qamtamasyz etip otyrǵan jobanyń jalpy quny – 364 mln. teńge.
Búginde óndiris ornynda 120 adam jumyspen qamtylyp otyr. Jalpy aýmaǵy 1,8 gektardy quraidy. Atalǵan joba jylyna 150-170 mln. teńgeniń daiyn ónimin óndiredi. Qazir fabrika jihazdyń 40-qa jýyq túrin daiyndaýda. Negizi shikizat Reseiden alynady. Jobanyń jumys barysymen tanysqan oblys ákimi áli de ónim kólemin arttyrýdy tapsyrdy.
Odan keiin oblys ákimi jalpy aýmaǵy 15 myń sharshy metrlik «Megacity» oiyn-saýyq kesheniniń qurylysymen tanysty. Nysannyń jalpy quny 2 mlrd. teńgeni quraidy. Munda aldaǵy ýaqytta 200 adam jumyspen qamtylyp, táýligine 800 adamǵa qyzmet kórsetetin bolady. 5 qabatty keshenniń árbir qabatynda túrli bólimder ornalaspaq.
Keshenniń atqarýshy direktory Azamat Mamedjanovtyń aitýynsha, keshende alyp sýpermarketter, kiim dúkenderi, oiyn-saýyq alańdary men kinoteatr ornalaspaq. Túrkistan qalasynyń turǵyndary men qonaqtaryna tamasha tartý retinde nysan aǵymdaǵy jyldyń jeltoqsan aiynda esigin ashatyn bolady.
Túrkistan oblysy ákiminiń baspasóz qyzmeti
