Túrkistannyń qurylysy men sáýleti úsh baǵytta damidy
Túrkistan qalasynyń keleshektegi bas josparyna sáikes, qala qurylysy men sáýleti úsh baǵytta júrgiziledi. «Tarihi aimaq» – 88,7 gektar, «Rýhani-mádeni ortalyq» aimaǵy – 98 gektar, «Ákimshilik-iskerlik ortalyq» aimaǵy – 700 gektardy quraidy. Osyǵan orai, qurylys nysandaryna qajetti jerlerdi qaitarý jumystary zań negizinde júrgizilýde. Bul týraly Túrkistan oblysy Óńirlik kommýnikatsiialar qyzmetinde ótken brifingte Túrkistan qalasynyń ákimi Álipbek Óserbaev málim etti.
Onyń aitýynsha, qazirgi tańda 98 gektar jerdi quraityn ekinshi aimaq atalatyn «Rýhani-mádeni ortalyqta» qajetti jerdi daiyndaý maqsatynda memlekettiń muqtajdyǵyna úshin 167 nysandy (13 kásipkerlik, 154 turǵyn úi) qaitarý jumystary júrgizilýde.
– Atalǵan 167 nysanǵa akt toltyrylyp sýretke túsirilgen. Búgingi tańǵa 161 nysannyń baǵalaý jumystary tolyq aiaqtaldy. Qazir 6-na baǵalaý jumystary júrgizilýde. Sondai-aq, bul jumystardy memlekettik satyp alý zańyna sáikes, konkýrstyń nátijesinde nysandardy baǵalaý jumystaryn «Ekspo Otsenka» JShS-i júrgizdi. Baǵalaý jumystary bitken 161 nysannyń búgingi tańda 91 menshik ieseniń kelisimi alynǵan. Bul kelisim alynǵan nysan ieleriniń qujattary tolyǵymen aiaqtalyp, búginde turǵyn úi nysandaryn bosatyp, buzý jumystary bastalyp ketti. Ieleri kelisim bergen nysandardyń búginde 13-ne buzylý jumystary júrgizilýde. Al kelisimge kelmegen 40 nysannyń qujaty zańǵa sáikes sotqa joldandy. Otyzǵa jýyq azamatpen kelisim jumystary júrgizilýde, – dedi Álipbek Sháripbekuly.
Sondai-aq, «Ákimshilik-iskerlik ortalyqqa» túsetin 672 gektardy quraityn jer aýmaǵynyń búgingi tańǵa zań talaptaryna sáikes, 470 gektary qaitaryldy.
Aita keterligi, nysan ieleri berilgen baǵamen kelispese, óz taraptarynan kez kelgen litsenziialy mekemege baǵalaý jasata alady. Nátijesinde eki taraptyń baǵalaý nátiejeleri sotqa joldanyp, zań talaptaryna sáikes sheshiledi. Sonymen qatar, kelispegen turǵyndarmen arnaiy ótinishteri boiynsha jumys jasaý úshin 2018 jylǵy 14-jeltoqsandaǵy №780 qala ákiminiń ókimimen 29 adamnan quralǵan komissiia jumys jasaýda. Ol komissiianyń quramynda memlekettik qyzmetkerler jáne jergilikti úkimettik emes uiymdardyń tóraǵalary men músheleri, depýtattar bar.
Zańǵa sáikes memlekettiń muqtajy úshin jer qaitarý jumystaryna jáne baǵalaý jumystaryna kelispegen turǵyndarmen birneshe ret túsindirme jumystary júrgizilgen.
