Túrkistan oblysy 2025 jylǵa qarai 58 156 tonna etti qaita óńdep eksporttaityn bolady. 2017 jyly bul kórsetkish 29 323 tonnany quraǵan.
Sondai-aq, búginge deiin óńirde 43 375,2 sút qaita óńdelip kelse, keleshekte 92 875 tonnaǵa artady. Al, 7 195 tonna kókónisten daiyn ónim alynsa, aldaǵy ýaqytta 49 195 tonna taýar qaita óńdelmek.
Bul týraly oblystyq aýyl sharýshylyǵy basqarmasynyń basshysy Nurbek Badyraqov Oblys ákimi Janseiit Túimebaevtyń tóraǵalyǵymen ótken jiynda málimdedi.
Onyń sózinshe, joǵaryda atalǵan jetistikterge jańadan ázirlengen «Túrkistan oblysynda agroónerkásiptik keshenin damytýdyń óńirlik baǵdarlamasy» aiasynda qol jetkiziletin bolady.
«Aýyl sharýashylyǵy ónimderin qaita óńdeý salasynda oblysymyzda jalpy 107 kásiporyn jumys istep keledi. Onyń 38-i et, 35-i sút, 34 kásiporyn jemis-kókónis ónimderin qaita óńdeýmen ainalysady. Baǵdarlama aiasynda 2025 jylǵa qarai oblys aýmaǵynda aýyl sharýashylyǵy ónimderin qaita óńdeý kásiporyndarynyń sany 45 birlikke jetkizý josparda bar. Jospar júzege assa, eksport kólemi 2,5 artady», – dedi Nurbek Badyraqov.
Ótken jyly qaita óńdelgen aýyl sharýashylyǵy ónimderi eksportynyń kólemi 231,5 mln. AQSh dollaryn quraǵan. Bul kórsetkishti 2022 jylǵa qarai 578,8 mln. AQSh dollarǵa jetkizý josparlanýda.
Jalpy 2017 jyly aýyl sharýashylyǵy ónimderiniń eksporty 1 671 376 tonnaǵa jetken. Onyń 41,5 paiyzy Resei, Belorýssiia, Qyrǵyzstan elderine, 38,5 paiyzy Ózbekstanǵa 9,2 paiyzy Aýǵanstan Respýblikasyna jóneltilgen. 2022 jylǵa qarai eksport kólemin 4 178 440 tonnaǵa jetkizý kózdelýde.
Baǵdarlama aiasynda óńirdegi agoroónerkásip keshenin damytý maqsatynda azyq-túlik qaýipsizdigin qamtamasyz etý jáne eksportty ártaraptandyrý úshin Túrkistan qalasynyń aýmaǵynda agro aimaqtar qurylmaq.
Budan bólek, 2019 jyly dizel otynyn elektrondy taratý, 2020 jyly kókónis-jemis, baqsha, maqta jáne mal sharýashylyǵy ónimderin satýda elektrondy saýda sattyqty júzege asyrý josparlanýda.
