Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Túrkistanǵa keletin týristerdiń sanyn 5 millionǵa jetkizý josparlanýda

Dalanews
Túrkistanǵa keletin týristerdiń sanyn 5 millionǵa jetkizý josparlanýda
Birer jylda Túrkistan oblysy saýda-sattyǵy qainaǵan, tarihi, mádeni nysandaryna saiahatshylar aǵylǵan naǵyz týrizm ortalyǵyna ainalady. Bul týraly búgin Túrkistan qalasynda Elbasynyń «Qazaqstandyqtardyń ál-aýqatynyń ósýi: Tabys pen turmys sapasyn arttyrý» atty Joldaýyn talqylaýǵa arnalǵan jiynda aityldy.

Oblys ákimi Janseiit Túimebaev Memleket basshysynyń atalǵan saiasi qujatta týrizm salasyn damytýǵa erekshe nazar aýdarǵanyna toqtalyp, bul jumystardyń burynnan-aq qolǵa alynǵan josparlarymen bólisti.

«Memleket basshysy: «Bai tabiǵatymyz ben mádeni áleýetimizdi paidalaný úshin syrttan keletin jáne ishki týrizmdi damytýǵa erekshe kóńil bólý qajet. Úkimet qysqa merzimde salalyq memlekettik baǵdarlama qabyldaýǵa tiis» dedi. Mundai sheshim oblysymyzǵa keletin sheteldik týristerdiń sanyn eselep arttyrýǵa múmkindik beredi. Biylǵy jarty jyldyń ózinde Túrkistanǵa 720 myńǵa jýyq adam saparlady. Bul kórsetkish ótken jylmen salystyrǵanda 57,2 paiyzǵa ósti. Jaqyn arada oblys ortalyǵyna keletin 1 millionynshy týristi kútetin bolamyz. Túrkistan oblysynda týrizmdi keshendi damytý maqsatynda 2018-2025 jyldarǵa arnalǵan týristik indýstriiany damytý tujyrymdamasy ázirlendi. Taiaýda Túrkistan qalasynda Birinshi «Kóne Túrkistan – Jańa múmkindikter» atty halyqaralyq investitsiialyq jáne týristik Forýmy ótti. Atalǵan Forýmǵa 19 shetel jáne qazaqstandyq 500-ge jýyq adam qatysty. Nátijesinde, 1,7 mlrd. AQSh dollaryn quraityn 19 qujatqa qol qoiyldy», - dedi ákim.

Bul Túrkistandaǵy týrizmdi damytýǵa baǵyttalǵan mysaldardyń bireýi ǵana. Al jalpy, jan-jaqty qolǵa alynyp, túrli jumystardy júzege asyrýdyń nátijesinde, iaǵni, arnaiy túzilgen 2018-2025 jyldarǵa arnalǵan týristik indýstriiany damytý tujyrymdamasy aiasynda oblysqa keletin týristerdiń sanyn 5 millionǵa jetkizý mejelenip otyr. Ol úshin jasalǵan jospar kóp. Máselen, oblys ortalyǵynda tarihi etnotýrizmdi damytýǵa barlyq múmkindikter bar. Ol úshin Túrkistan qalasyndaǵy «Áziret Sultan» qoryq-mýzeiiniń damý jospary túzilgen. Josparǵa sáikes, birinshi kezekte Túrkistannyń ejelgi qonystarynyń biri – Kúltóbe qalashyǵy qaita jańǵyrtylady. Ábilmámbet han men Táýke hannyń ordalary, olardyń janyndaǵy ortaǵasyrlyq úlgidegi meshiti jáne basqa da birqatar nysandar tolyq qaita qalpyna keltiriledi.

Túrkistannyń tarixi qundylyqtaryn saqtaý, odan ary kórkeitý, Qoja Axmet Iassaýi kesenesi negizinde mádeni-rýxani ortalyqty saqtaý jáne ákimshilik-iskerlik ortalyqty qurýǵa erekshe kóńil bólinýde.

Aldaǵy ýaqytta Túrkistan qalasynda halyqaralyq talaptarǵa sai keletin áýejai, temirjol vokzaly men avtovokzal salý josparlanyp otyr. Týristerge servistik qyzmetti jetildirý maqsatynda Túrkistanda zamanaýi qonaq úiler men demalys oryndaryn ashýǵa investorlar tartý jumystary belsendi túrde júrgizilýde.

Bul tusta Elbasynyń taiaýdaǵy oblysymyzǵa resmi saparynda otandyq iri kásipkerler men Ulttyq kompaniialarǵa Túrkistanǵa bir-birden qajetti ǵimarattar men mádeni-iskerlik nysandardy salyp berýdi tapsyrǵany esimizde.

 

Túrkistan oblysy ákiminiń baspasóz qyzmeti
Madina Sádýaqasova

Oqi otyryńyz