Túrkistan oblysynyń 19 jastaǵy turǵyny áskeri qyzmetten úiine baldaqpen oraldy. Jigittiń anasy ulynyń jambas býynynda týa bitken kinárat bar ekenin ásker basshylyǵyna aldyn ala eskertkenin aitady. Al Qorǵanys ministrligi jas jigittiń áskerge shaqyrylǵan kezde densaýlyǵyna shaǵymdanbaǵanyn málimdedi, dep habarlaidy dalanews.kz.
"Za nami ýje vyehali" telegram arnasynyń málimetinshe, 2025 jylǵy qarashada meditsinalyq komissiia ony áskeri qyzmetke jaramdy dep tanyp, Qapshaǵaidaǵy №58012 áskeri bólimge jibergen. Otbasynyń aitýynsha, shamamen eki aidan keiin sarbazdyń jambas tusy qatty aýyryp, aqsap júre bastaǵan.
Jas jigit densaýlyǵynyń nasharlaǵanyn birneshe ret aitqanyn, alaida uzaq ýaqyt boiy tiisti shara qabyldanbaǵanyn jetkizdi.
Keiin áskeri-dárigerlik komissiia ony áskeri qyzmetke jaramsyz dep tanyǵan. Anasynyń sózinshe, endi ulyna ota jasaý qajet. Alaida otbasynyń emge qajetti qarajatty tóleýge múmkindigi joq.
Qorǵanys ministrligi sarbaz densaýlyǵyna shaǵymdanǵannan keiin ýaqtyly tekserýden ótkizilip, aýrýhanaǵa jatqyzylǵanyn jáne tiisti em qabyldaǵanyn habarlady. Dárigerler onyń býyndarynda týa bitken kinárat pen nesep shyǵarý júiesine qatysty aýrýlar bar ekenin anyqtaǵan. Osydan keiin sarbaz densaýlyq jaǵdaiyna bailanysty áskeri qyzmetten bosatylǵan.
Vedomstvo ókilderi áskerge shaqyrylar aldynda azamattyń qyzmetke jaramdylyǵy týraly sheshimdi jergilikti ákimdik qurǵan meditsinalyq komissiia qabyldaǵanyn da atap ótti.
