Túrkistandyqtar Mańǵystaýǵa 100 vagon jem-shóp jóneltti
Arys qalasynan – 17 vagon, Saryaǵash qalasynyń temirjol stantsiiasynnan – 51 vagon, Shymkent qalasynan – 18 vagon, Badam aýyldyq okrýginen – 4 vagon, Otyrar aýdanynan – 5 vagon shóp tielgen.
Búgingi tańda Mańǵystaý oblysynyń sharýalaryna Túrkistan oblysy ákimdigi erikti jastardyń, kásipkerlerdiń, janashyr turǵyndardyń uiymdastyrýymen mal azyǵy tapshylyǵy oryn alǵan aýmaqtarǵa kómek qolyn sozýda.
Oblystyq aýyl sharýashylyǵy basqarmasynyń málimetinshe, biylǵy qýańshylyq batys óńirlerimen qatar, Túrkistan oblysynyń Keles, Saryaǵash aýdandarynyń jyl saiyn tabiǵi shóp oratyn alqaptaryna da áser etip, tabiǵi shóp bitik shyqpady.
Aldaǵy qys ailarynda mal azyǵynyń tapshylyǵyn aldyn alý maqsatynda oblystaǵy orman qorynyń jerlerinen tabiǵi shópterdi oryp alý uiymdastyrylýda, sonymen qatar Keles, Saryaǵash, Jetisai, Maqtaral aýdandary Shardara, Otyrar aýdandarynyń jaiylymdaryn paidalaný týraly memorandým jasalynǵan.
Túrkistan oblysy ákimi Ómirzaq Shókeevtiń tapsyrmasyna sáikes, oblystyń agroqurylymdaryna orman qory jerinen jaiylymdyq jáne shabyndyq jerler usynylyp, biylǵy jyldyń 6 aiynda 545 agroqurylymǵa 563 myń gektar jaiylym jer, shóp shabýǵa 23 agroqurylymǵa 1,5 myń gektar shabyndyq jer berildi. Osy oraida, oblystyń mal azyǵy jaǵdaiynda taldaý jasap, jaǵdaidyń turaqtylyǵyna kóz jetkizildi.
Biyl óńirdegi mal basyna qajetti 4 mln tonnaǵa jýyq mal azyǵyn 100% daiyndaýǵa tolyq múmkindikter bar. Onyń ishinde 2,7 mln tonna jońyshqa, 134,6 myń tonna súrlem, 71 myń tonna pishendeme jáne 945 myń tn tabiǵi shóp jinalady. Búgingi kúnge 3,2 mln tonna mal azyǵy jinaldy (81 %). Aimaqta mal sharýashylyǵy salasy turaqty damýda. Sońǵy eki jyldyń ózinde mal basy men odan alynǵan ónim kólemi 10-15%-ǵa artqan.
