Túrkistandyqtar jergilikti kókónisti tutynady
Jylyjaidyń jyldyq ónim alý qýattylyǵy shamamen 45 tonna bolgar buryshy, 35-40 tonna qyzanaq. Óz kásibin keńeitip, jyldan jylǵa sharýasyn sharyqtatýdy oiǵa alǵan jeke kásipker Erǵali Joldasbekov túrkistandyq turǵyndardy taza tabiǵi ónimmen qamtyp otyr.
Jylyjai jalpy aýmaǵy 1,2 gektar jer teliminde ornalasqan. Al, jumysshylardyń jalaqy mólsheri – 60-70 myń teńge kóleminde.
Otbasylyq kásipti Ǵani jáne Mádi esimdi uldary jandandyrýda. Isker ákeniń tynymsyz eńbegin úlgi tutatyn perzentteri sharýashylyqtaǵy kútip-baptaý jumystaryna deiin ózderi jasaýǵa mashyqtanǵan. Jylyjaida tamshylatyp sýarý ádisin qoldaný jolǵa qoiylǵan. Búginde munda 30 myń túp bolgar buryshy egilýli. Aqpan aiynyń ortasynda egilgen alǵashqy kóshetterdi kúni erteń jiyp-terý jumystary bastalmaq.
Túrkistan qalasy ákiminiń baspasóz qyzmeti
