Osy oraida, Ordabasy aýdany, Badam aýyldyq okrýginde aýylsharýashylyq salasyna bailanysty kóshpeli seminar keńes ótti.
Jiynda aýdan ákimi Azat Oralbaev «Aýyl amanaty» baǵdarlamasy boiynsha sharýalarǵa túsindirý jumystaryn júrgizip, jekelegen azamattardyń kooperativke birigýiniń tiimdiligin aityp ótti.
– Qazirgi tańda sharýalarǵa kooperativke birigý tiimdi bolyp otyr. Ujymdastyrýǵa 27 mln teńgege deiin qoldaý kórsetilýde. Atalǵan qarjy ujymnyń tehnikalyq bazasyn nyǵaitýǵa, tehniakalaryn jańartýǵa jumsalady. Jekelegen sharýalar kepilge qoiylǵan múlik arqyly 8 mln teńgege deiin kómek alyp, mal azyǵymen qamtamasyz etetin koperativ tóńiregine toptasa alady.
Aýdanymyzda «Aýyl amanaty» baǵdarlamasy mal sharýashylyǵynda – sút óndirisi baǵytynda, ósimdik sharýashylyǵynda – jylyjai baǵyty boiynsha júzege asyrylady. Bórjar aýylynda sharýalar qus, mal sharýashylyǵy boiynsha atalǵan baǵdarlamaǵa qatysa alady, – dedi aýdan basshysy.
Ordabasy – agrarly aýdan. Dihandar biyl 71 553,5 gektar jerge aýyl sharýashylyǵy daqyldaryn ekken. Ótken jyldyń tiisti kezeńimen salystyrǵanda egis kólemi 2 000,5 gektarǵa ulǵaidy.
Solardyń biri – «Jaqsylyq» sharýa qojalyǵy 300 gektar alqapqa egilgen júgeriden maýsymynda 10 myń tonna súrlemdik júgeri daiyndaýda. Sharýa qojalyqtyń tutynýshysy iri kásiporyndar. Súrlemdik júgeri daqylynyń sútti baǵyttaǵy iri qara maldyń sútiniń ónimdiligi men mailylyǵyna áseri zor.
Aita keteiik, atalǵan pilottyq joba aýdanǵa qarasty Badam, Shubar, Bórjar, Qaraspan aýyl okrýgi engizilip, 8 aýyl sharýashylyǵy óndiristik kooperativi quryldy. Kooperativ músheleri belgilengen 6 baǵytta da nesie alýǵa múmkindigi bar. Búgingi tańda «Yrys» MQU JShS arqyly 259 ótinim qabyldanyp, 1 mlrd 158 mln teńge bolatyn 185 ótinim maquldanǵan. Onyń ishinde, 124 joba 723 mln 050 myń teńgege qarjylandyrylǵan. Qarjylandyrylǵan 124 jobanyń 107-si mal sharýashylyǵyn damytý baǵytyndaǵy jobalar.
