وسى ورايدا، ورداباسى اۋدانى، بادام اۋىلدىق وكرۋگىندە اۋىلشارۋاشىلىق سالاسىنا بايلانىستى كوشپەلى سەمينار كەڭەس ءوتتى.
جيىندا اۋدان اكىمى ازات ورالبايەۆ «اۋىل اماناتى» باعدارلاماسى بويىنشا شارۋالارعا ءتۇسىندىرۋ جۇمىستارىن جۇرگىزىپ، جەكەلەگەن ازاماتتاردىڭ كووپەراتيۆكە بىرىگۋىنىڭ تيىمدىلىگىن ايتىپ ءوتتى.
– قازىرگى تاڭدا شارۋالارعا كووپەراتيۆكە بىرىگۋ ءتيىمدى بولىپ وتىر. ۇجىمداستىرۋعا 27 ملن تەڭگەگە دەيىن قولداۋ كورسەتىلۋدە. اتالعان قارجى ۇجىمنىڭ تەحنيكالىق بازاسىن نىعايتۋعا، تەحنياكالارىن جاڭارتۋعا جۇمسالادى. جەكەلەگەن شارۋالار كەپىلگە قويىلعان مۇلىك ارقىلى 8 ملن تەڭگەگە دەيىن كومەك الىپ، مال ازىعىمەن قامتاماسىز ەتەتىن كوپەراتيۆ توڭىرەگىنە توپتاسا الادى.
اۋدانىمىزدا «اۋىل اماناتى» باعدارلاماسى مال شارۋاشىلىعىندا – ءسۇت ءوندىرىسى باعىتىندا، وسىمدىك شارۋاشىلىعىندا – جىلىجاي باعىتى بويىنشا جۇزەگە اسىرىلادى. ءبورجار اۋىلىندا شارۋالار قۇس، مال شارۋاشىلىعى بويىنشا اتالعان باعدارلاماعا قاتىسا الادى، – دەدى اۋدان باسشىسى.
ورداباسى – اگرارلى اۋدان. ديحاندار بيىل 71 553،5 گەكتار جەرگە اۋىل شارۋاشىلىعى داقىلدارىن ەككەن. وتكەن جىلدىڭ ءتيىستى كەزەڭىمەن سالىستىرعاندا ەگىس كولەمى 2 000،5 گەكتارعا ۇلعايدى.
سولاردىڭ ءبىرى – «جاقسىلىق» شارۋا قوجالىعى 300 گەكتار القاپقا ەگىلگەن جۇگەرىدەن ماۋسىمىندا 10 مىڭ توننا سۇرلەمدىك جۇگەرى دايىنداۋدا. شارۋا قوجالىقتىڭ تۇتىنۋشىسى ءىرى كاسىپورىندار. سۇرلەمدىك جۇگەرى داقىلىنىڭ ءسۇتتى باعىتتاعى ءىرى قارا مالدىڭ ءسۇتىنىڭ ونىمدىلىگى مەن مايلىلىعىنا اسەرى زور.
ايتا كەتەيىك، اتالعان پيلوتتىق جوبا اۋدانعا قاراستى بادام، شۇبار، ءبورجار، قاراسپان اۋىل وكرۋگى ەنگىزىلىپ، 8 اۋىل شارۋاشىلىعى وندىرىستىك كووپەراتيۆى قۇرىلدى. كووپەراتيۆ مۇشەلەرى بەلگىلەنگەن 6 باعىتتا دا نەسيە الۋعا مۇمكىندىگى بار. بۇگىنگى تاڭدا «ىرىس» مقۇ ج ش س ارقىلى 259 ءوتىنىم قابىلدانىپ، 1 ملرد 158 ملن تەڭگە بولاتىن 185 ءوتىنىم ماقۇلدانعان. ونىڭ ىشىندە، 124 جوبا 723 ملن 050 مىڭ تەڭگەگە قارجىلاندىرىلعان. قارجىلاندىرىلعان 124 جوبانىڭ 107ء-سى مال شارۋاشىلىعىن دامىتۋ باعىتىنداعى جوبالار.
