Ótken aptada Túrkistan oblysynyń ákimi Ómirzaq Shókeev jańa bastama kóterip, tiisti salalarǵa tapsyrma berdi. "Qamqorlyq" dep atalǵan jobanyń maqsaty sol - aýdan-qalalardaǵy kedeilik shegindegi otbasylardy anyqtap, qysqa merzim aralyǵynda aiaǵynan turǵyzýdy kózdeidi. Atalǵan jobany úilestirý "Nur Otan" partiiasynyń oblystyq filialyna júkteldi. Qazir aýdan-qala ákimderi men eńbek jáne halyqty áleýmettik qorǵaý basqarmasy osyndai otbasylardyń tizimin jasap shyqty.
Bul tizimge oblys boiynsha ázirge 1535 otbasy (6600-den astam adam) enip otyr. Al jobaǵa jergilikti biýdjetten 1,6 mlrd. teńge kóleminde qarjy qaralady. Shamamen árbir aýdanǵa 90-100 mln teńgeden bólinedi.
Qiyndyq shegindegi januialardy saýyqtyrý júieli túrde 4 kezeńde júrgiziledi.
Birinshiden, qajetti azyq-túlikpen qamtý.
Ekinshiden, naýqastary bolsa tolyqqandy meditsinalyq kómek kórsetý, aýrýhanaǵa jatqyzyp emdeý.
Úshinshiden, jumysqa ornalastyrý, mamandyǵy joq bolsa kásiptik bilimge oqytý.
Tórtinshiden, túrli demeýshilik kózderi arqyly baspanamen qamtamasyz etiý. Osy keshendi qadamdar iske asqanda ǵana kedeilik shegindegi shańyraqtar qalypty el qataryna qosylýy kerek.
Keshegi aptada Qazyǵurt jáne Tóle bi aýdandarynyń eń shalǵaiyndaǵy osyndai otbasylarǵa arnaiy bardym. Joba jaiynda jetkizip, azyq-túlik, qarjylai járdem usyndyq. Qýanyshtysy sol, tólebilik 7 balanyń ákesine jaqyn mańdaǵy gaz stantsiiasynan turaqty jalaqyǵa jumys tabyldy.
Qoldaý bildirgen azamattarǵa alǵys. Al Qazyǵurtta áke-shesheden qatar kóz jazyp, alaqandai bólmeni panalap otyrǵan qos qyzǵa demeýshiler kúshimen kóktem shyǵa turǵyn úi salynady. Ázirge jer men qajetti materialdar daiyndalýda.
Ótken bir aptanyń ózinde tizimge qosylǵan 450-den astam shańyraqqa kómek jetti. Eń bastysy munyń ýaqytsha aktsiialyq sipatta ótpeýin barynsha qadaǵalaimyz. Endi taiaý kúnderi barlyq otbasy túgendelip, olardy ońaltýdyń naqty sharalary júzege asa bastaidy. Qatarymyzǵa qosylyp, saýapty da, jaýapty isti birge atqaramyn deitin izigi nietti jandardy qýana qarsy alýǵa daiynbyz!
