Oral qalasynda qazaq kúresinen jasóspirim qyzdar arasynda El chempıonaty máresine jetti. Boz kilem kórkin qyzdyrǵan 2004-2005 jyly týylǵan arýlar bas júlde úshin bar kúsh-jigerlerin ortaǵa saldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Batys óńirinde ótken jas balýandar básekesinde Túrkistan oblysynyń burymdylary 2 altyn, 1 kúmis, 4 qola medaldi enshilep, jalpy komandalyq esepte jeńis tuǵyrynyń eń bıiginen kórindi.

Dúbirli dodada Dana Aıtbaeva men Quralaı Sattar top jaryp, altyn alqany moınyna ildi.

Al, Sholpan Altynbek kúmis alqany oljalady. 4 birdeı arý qola medaldi qurama qorjynyna saldy. Olardyń qatarynda: Lázzat Rahmatýlla, Venera Tursynbek, Gúlnáz Ómirbek jáne Baljan Satılla bar.