Түркістандық балуан қыздар ел чемпионатында топ жарды
Батыс өңірінде өткен жас балуандар бәсекесінде Түркістан облысының бұрымдылары 2 алтын, 1 күміс, 4 қола медальді еншілеп, жалпы командалық есепте жеңіс тұғырының ең биігінен көрінді.
Дүбірлі додада Дана Айтбаева мен Құралай Саттар топ жарып, алтын алқаны мойнына ілді.
Ал, Шолпан Алтынбек күміс алқаны олжалады. 4 бірдей ару қола медальді құрама қоржынына салды. Олардың қатарында: Ләззат Рахматулла, Венера Тұрсынбек, Гүлнәз Өмірбек және Балжан Сатилла бар.
