Túrkistandy túletýge úles qosqan azamattar marapttaldy
Televiziia ujymy naǵyz eńbek adamdaryn «Túrkistandy túletkender» dep atap, telearna efirinen shyqqan baǵdarlama arqyly 20 tulǵaǵa jeke-jeke film ázirlegen. Árqaisysy óz salasyndaǵy jetistigin, bes jyl burynǵy esteligin aityp, ádemi áserli shyǵarylym kórermenge usynylǵan edi.
Bul baǵdarlama tikelei oblys ákiminiń bastamasymen júzege asqan bolatyn.
Prezident jarlyǵymen 2018 jyldyń 19 maýsymynda jańadan Túrkistan oblysy qurylǵan bolatyn. Bul tarihi sheshim óńirge jańa serpin berdi jáne jan-jaqty damý múmkindikterine jol ashty.
Tarihi shaharda júzdegen nysan boi kóterip, kóne shahar jańardy, qaita túrlendi. Sol jaýapkershiliktiń júgin arqalap, Túrlengen Túrkistandy damytýǵa eleýli úles qosyp, eńbekten baqyt tapqan jandar jeterlik.
Marapat alǵandardyń qatarynda Túrkistan qalalyq ardagerler keńesiniń tóraǵasy Jarqynbek Qulbaiymbetov, ulaǵatty ustaz Nursulý Shektibaeva, Túrkistan oblystyq politsiia departamenti bastyǵynyń orynbasary, politsiia polkovnigi Qurmanbek Sahov, Túrkistan oblystyq máslihatynyń tóraǵasy Nuraly Abishov, «Qazaqstan» ulttyq arnasynyń Túrkistan oblysyndaǵy menshikti tilshisi, kásibi jýrnalist Ainur Aqbaeva, 4 dúrkin álem chempiony, halyqaralyq dárejedegi tóreshi, professor, jattyqtyrýshy Ábdisadyq Halilaev, «Aqjaiyq» mýzyka mektebiniń direktory Syrym Aisynov, tarih ǵylymdarynyń doktory, professor Tursyn Hazretáli, kitaphanashy, oblystyq Farab kitaphanasynyń jas mamany Ardaq Nurǵali, Túrkistan oblystyq mádeniet jáne týrizm basqarmasynyń bólim basshysy Nurdaýlet Medeýov, Túrkistan mýzykalyq drama teatrynyń ártisi Aq-Sultan Ánýarbek, Oblystyq jastar ortalyǵynyń beldi qyzmetkeri, bólim basshysy Aqtóre Qairat, «HABIBÝLLA ATA» kásiporny, «EDEM» jihaz tsehynyń direktory Ikbol Abishev, «Neke saraiynyń » direktory Móldir Dildabaeva, qurylysshy-prorab Marat Jaqaev, qoǵamdyq kólik júrgizýshisi Baqyt Sarbasov, «Jasyl Túrkistan» mekemesiniń brigadiri Djamaliddin Abdrahmanov, túrkistandyq brend, «Daily food» kafe-restoran jelisiniń atqarýshy direktory Dáýlet Qaýynbaev, Halyqqa qyzmet kórsetý ortalyǵynyń bas mamany Ashat Muhamedáliuly bar.
Shara barysynda ásem ánder shyrqalyp, ziialy qaýym izgi tilegin arnady. Kesh sońynda qatysýshylar sharanyń kóptiń kóńilinen shyqqandyǵyn aityp, alǵysyn bildirdi. Sonymen qatar estelik sýretke túsip, qurmetpen tarasty.
