Túrkistan oblystyq Y.Altynsarin atyndaǵy balalar kitaphanasynda otbasy qundylyqtaryn nasihattaýǵa arnalǵan «Otbasynda ómir súrý baqyty» atty taǵylymdy kezdesý keshi ótti, – dep habarlaidy Dalanews.kz
Keshtiń basty maqsaty — otbasylyq bailanystardy nyǵaitý, óskeleń urpaqqa otbasy tárbiesiniń mańyzyn túsindirý. Kitaphana men oqyrman arasyndaǵy bailanysty nyǵaitý.
Is-sharany ardager jýrnalist Roza Narymbetova, ardager ustaz Nesipkúl Ótebaeva ashyp berdi. Olar sharanyń mán-mańyzyna toqtalyp, otbasy – qoǵamnyń irgetasy ekenin atap ótti. Qatysýshylarǵa izgi tilekterin bildirip, keshtiń taǵylymdy ótýine sáttilik tiledi.
Sharaǵa kitaphananyń belsendi oqyrmandary men olardyń ata-analary Qonaevtar otbasy qatysty. Kesh barysynda úlgili otbasy músheleri ózara syilastyq, tárbieniń mańyzy, otbasydaǵy jylylyq pen birlik jaily oilarymen bólisti. Balalar men ata-analar úshin qyzyqty suraq-jaýaptar men otbasy, ata-ana, baýyr taqyryptarynda ásem ánder shyrqaldy.
Is-shara jyly ári áserli atmosferada ótti. Keshke jinalǵan kópshilik qaýym jaǵymdy emotsiia men shynaiy qýanyshqa bólenip, umytylmas áser aldy. Otbasynda kitap oqý dástúrge ainalǵan jaǵdaida, bala kitapty tanym men tárbie kózi retinde qabyldaidy. Mundai oqyrman otbasy – bolashaqtyń intellektýal tulǵasyn tárbieleýdiń negizi.
Qonaevtar otbasy — shyn máninde úzdik oqyrman otbasy atyna laiyqty birden bir otbasy. Búgingi kesh sol yqylasty, izgi júrekti, kitapqumar januiaǵa degen qurmetimizdiń bir kórinisi.
Aita keteiik, Túrkistan oblysy boiynsha 20 balalar kitaphanasy oqyrmandarǵa qyzmet kórsetedi. Jalpy balalarǵa qyzmet kórsetetin kitaphanalardyń kitap qory - 723 000 danany quraidy. Y.Altynsarin atyndaǵy balalar kitaphanasy – kitappen jáne aqparatpen qamtamasyz etetin aýdandyq balalar kitaphanalarynyń ádistemelik ortalyǵy.
Oblystyq balalar kitaphanasynyń bastamasymen kóptegen jobalar júzege asýda. Atap aitsaq: «Bir el-bir kitap» respýblikalyq aktsiiasy aiasynda tańdalǵan qalamgerlerdiń shyǵarmalaryn nasihattaý maqsatynda ótkizilgen is-sharalar, «Túrkistannyń tańdaýly týyndysy» aktsiiasy, mereitoi ieleri men ulttyq jáne kásibi t.b. merekelerge orai is-sharalar uiymdastyrylyp, ótkizilýde. Sonymen qatar, «Álemdi kitap arqyly tanmimyn» oblystyq baiqaýy, «2025 jyl – Balalar kitaphanasy jyly» jobasy, kitaphanalyq «Ájemniń ósieti», «Bala terapiiasy», «Kitappen ótken kún qyzyq» oqyrman klýby, «Saiahatshy qýyrshaqtar», «Demalysym kitaphanada» t.b. túrli jobalar boiynsha oqyrmanǵa qyzmet kórsetedi.
