Túrkistan oblysynyń ákimi Ómirzaq Shókeev oblys ortalyǵynda boi kótergen jańa nysandardy aralap, qurylysshylarmen kezdesti. Sapaly jumysty talap etken oblys basshysy, qurylysty ýaqyt ozdyrmai aiaqtaýdy tapsyrdy.
Jabyq bazardyń janynda ornalasqan dástúrli aýylsharýashylyq naryǵynyń jáne zamanaýi jaily saýda ortalyǵynyń artyqshylyqtaryn biriktiretin jańa formattaǵy fermerler bazary da jaqyn kúnderi paidalanýǵa beriledi.
Myńǵa jýyq zamanaýi saýda sóreleri bar ekobazarda et-sút, balyq, kókónis, jemis-jidek túrleri kóterme baǵamen satylady.
Jergilikti jáne ózge óńirlerdiń diqandary men taýar óndirýshileri munda óz óńimderin sata alady.
Búginde Atyraý, Qostanai óńirleriniń taýar óndirýshileri Túrkistan qalasynda óz ónimderin saýdalaýǵa nietti. Jańa nysanda azyq-túlikti satýǵa qajetti tońazytqyshtar, qoima men taýar túsiretin oryndar bolady.
Oblys ákim sondai-aq Túrkistan qalasynda salynyp jatqan bank ǵimaraty men jańa qonaqúidiń qurylys barysymen tanysty. Ákimshilik – iskerlik ortalyqta boi kótergen jańa nysandardyń ainalasyn abattandyrý men kógaldandyrý jumystarymen tanysty. Jaýapty sala basshylaryna birqatar tapsyrmalar júktedi.
