Túrkistan qalasynda ekonomıkalyq sottyń janynan front-ofıs ashyldy. «Sıfrly Qazaqstan» memlekettik baǵdarlamasy aıasynda qolǵa alynǵan bastamanyń maqsaty - halyqqa sot tóreliginiń ashyqtyǵy men qoljetimdiligin is júzinde qamtamasyz etý.
"Jańadan jumysyn bastaǵan nysannyń ashylý rásimine Túrkistan oblysynyń ákimi Janseıit Túımebaev qatysyp, qyzmet kórsetý ortalyǵyn aralap kórdi", – dep habarlaıdy oblystyń baspasóz qyzmeti.
Halyqqa qyzmet kórsetetin memlekettik mekemelerdiń sapasyn arttyrý – zaman talaby. Bul týraly Elbasymyz únemi aıtyp keledi. Mine, búgin osy mindetti oryndaý barysynda halyqqa qyzmet kórsetetin front-ofıs ashylyp otyr.
Bul halyq pen bılik arasyn odan saıyn jaqyndastyra túsetin mekeme. Munda máseleniń der kezinde, ádil sheshilýine barlyq jaǵdaı jasalǵan. Iaǵnı, ortalyqta kórsetiletin qyzmetterdiń basym bóligi elektrondy júıege kóshirilgen.
Bul qoǵamda daý-damaı týyndaıtyn bolsa, burynǵydaı uzaq ýaqytqa sozylmaı, qysqa merzimde sheshiledi degen sóz», - dedi Janseıit Qanseıituly.
Ǵımaratta aqparattyq ortalyq, kiris keńsesi men ózine-ózi qyzmet kórsetý aımaqtary ornalasqan. Kútý zalynda kelýshilerge jaǵdaı jasalǵan, ınternet jelisi, mobıldi symtetikterdi qýattaǵyshtarmen de jabdyqtalǵan.
Sonymen qatar, munda daýlardy sotqa deıin jetkizbeı sheshýge jumys isteıtin medıasıa kabıneti qarastyrylǵan. Onda taraptardyń máselesin ádil sheship, isti toqtatýmen aınalysatyn kásibı mamandarmen qamtylǵan.
Odan bólek, keńsede «Vertýaldy sot otyrysy» jobasyn iske asyrý júıesimen de qamtylǵan. Bul joba elimizdiń kez-kelgen jerinen elektrondy qurylǵylardyń kómegimen sot otyrystaryna qatysýǵa múmkindik beredi.
