Túrkistanda halyqaralyq «AMEN» anımasıalyq fılmder kınofestıvali bastaldy. Bul dástúrli shara qazaq anımasıasynyń negizin qalaýshy Ámen Qaıdarovtyń qurmetine arnalǵan, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Festıválde Túrki elderiniń úzdik anımasıalyq fılmderiniń kórsetilimi ótýde. Sonymen qatar, sheteldik ozyq mýltıplıkatorlardyń master-klastary men trenıńterin ótkiziledi. Mádenı shara aıasynda Qazaqstannyń úzdik anımasıalyq kınostýdıalarynyń kórmesi uıymdastyrylady. Sondaı-aq, Túrki elderi kıno óneriniń búgini men erteńine arnalǵan dóńgelek ústelder ótkiziledi.

Halyqaralyq deńgeıdegi sharaǵa «Ný, pogodı», «Mýlan», «Koról lev» syndy tanymal jobalarǵa qatysqan sýretshi anımator Aleksandr Dorogov, Túrkıalyq prodúser Mýsab Gúndúz jáne otandyq tanymal anımasıalyq fılmderdiń senarı avtory ári rejıseri Batyrhan Dáýrenbekovter qazylyq etedi.