Is-sharaǵa Túrkistan oblysy ákiminiń orynbasary Beisen Tájibaev, Q.A.Iasaýi atyndaǵy HQTÝ rektory Janar Temirbekova, Ýniversitettiń Ókiletti Keńes tóraǵasy Mýhittin Shimshek jáne oblystyń ziialy qaýym ókilderi, atalǵan oqý ordanyń ujymy men stýdentteri qatysty.
– Baýyrlas túrik halqyn tarihyndaǵy aitýly oqiǵa – Túrkiia Respýblikasynń 100 jyldyǵymen shyn júrekten quttyqtaimyn. 1923 jyly 29 qazanda Túrkiia Respýblikasy jariialandy. Tarihshylar bul kúndi Túrkiianyń Táýelsizdik pen ulttyq jańǵyrý kezeńi bastalǵan sát dep baǵalaidy.
Táýelsizdigimizdi tuńǵysh tanyǵandar qataryndaǵy Túrkiia – elimizge eń kóp investitsiia salǵan senimdi strategiialyq seriktesimizdiń biri. Qazaqstan Respýblikasy táýelsizdik alǵan sátten bastap Qazaqstan men Túrkiia prezidentteri yntymaqtastyq pen dostastyqtyń tamasha úlgisin kórsetip keledi.
Qoja Ahmet Iasaýi ýniversiteti – tek bilim berip, mádenietti damytatyn orta emes, halyqtarymyzdyń tarihi bailanysyn qaita jańǵyrtqan ortalyqqa ainaldy.
Ýniversitet túlekteri qazir tek Qazaqstannyń damýyna ǵana emes, qazaq-túrik baýyrlastyǵynyń jáne túrki áleminiń damýyna aitarlyqtai qyzmet etip kele jatyr. Jýyrda Túrki memleketteri uiymynyń týrizm salasynyń basshylary Túrkistanda jiyn ótkizdi.
Túrkistanǵa 2024 jylǵy týristik astana mártebesi berildi. Qasietti shaqarymyzdyń rýhani salasy men týrizmin damytýǵa osyndaǵy jalyndy jastar da úles qosady dep senemin. Men ózim kezdesken árbir túrkiialyq baýyrymyzdyń boiynan da bizdiń elge degen erekshe qurmetti baiqaimyn. Sebebi, bizdiń rýhymyz bir, túbimiz bir, tarihymyz bir. Bul mereke barshamyzǵa ortaq! – dedi oblys ákiminiń orynbasary Beisen Tájibaev.
«Sózimdi Túrkiia Respýblikasynyń táýelsizdik jolynda jan pida etken ata-babalarymyzdyń rýhyna taǵzym etýden bastaǵym keledi. Budan 100 jyl buryn Anadoly jerin batyr babalarymyz óz janyn qurban ete otyryp, saqtap qaldy. Búgin biz 100 jyldyq mereitoiymyzdy toilap jatyrmyz. Bul – mereke! Al bizdi osyndai merekeni toilaityn kúnge jetkizgen – kóshbasshymyz Mustafa Kemal Atatúrik pen ult janashyrlary. Muny eshqashan umytpaimyz! Túrkiia Respýblikasynyń 100 jyldyq mereitoiy qutty bolsyn! Baýyrlas Qazaqstannyń da 100 jyl, 200 jyldyǵyn atap ótetin kúnge jete bereiik» dedi Ýniversitettiń Ókiletti Keńes tóraǵasy Mýhittin Shimshek.
Shara «Akterlyq óner» mamandyǵy stýdentteriniń erjúrek túrik eliniń egemendik jolyndaǵy kúresi baiandalatyn teatrlandyrylǵan kórinispen jalǵasty. Sondai-aq «Atameken» ult-aspaptar ansambli Dáýletkereidiń «Kóroǵlysyn» oryndap, ánshiler qulaq quryshyn qandyratyn ánder shyrqady, «Bi sultan» bi ansambli biden shashý shashty.
