Túrkistanda tuńǵysh ret júrekke ota jasaldy
Júrek yrǵaǵy buzylystary aýrýlaryna shaldyqqan naýqastar úshin tegin qyzmet kórsetetin kardiologiialyq ortalyq zamanaýi qural-jabdyqtarmen jabdyqtalǵan. Máselen, SIEMENS angiograf apparaty Germaniiadan arnaiy satyp alynǵan. Quny 300 mln teńgeni quraityn meditsinalyq apparat miokardiia infarkt, júrek qan tamyrlary aýrýlaryna ota jasaýǵa taptyrmas qurylǵy.
– Bilikti dárigerlerimiz talai jannyń dertine shipa tabýyna ter tógýge daiyn. Barlyq ota joldama (portal) arqyly jasalynady. Árine, shuǵyl jaǵdaida ýaqytpen sanaspai ota jasaý bizdiń dárigerlik boryshymyz. Alǵashqy ota túrkistandyq Rasýl Atahanovqa jasaldy. Qazirgi tańda barlyq naýqastardyń jaǵdaiy turaqty, – dedi kardioortalyqtyń direktory Salamat Qurmanaev.
Jalpy munda Nur-Sultan, Almaty, Aqtaý qalalarynan kelgen 15 meditsina mamany jumys isteýde. Al, kardiologiia salasynda 6 jyldyq tájiribesi bar dáriger Eltai Ertaiuly Almaty qalasynda jumys jasaǵan. Q.A.Iasaýi atyndaǵy HQTÝ-diń túlegi. Týǵan jerdi túletýge kelgen dáriger suhbat barysynda Túrkistan oblysynyń turǵyndaryna qyzmet kórsetýge daiyn ekenin jetkizdi.
