تٷركٸستاندا تۇڭعىش رەت جٷرەككە وتا جاسالدى
جٷرەك ىرعاعى بۇزىلىستارى اۋرۋلارىنا شالدىققان ناۋقاستار ٷشٸن تەگٸن قىزمەت كٶرسەتەتٸن كارديولوگييالىق ورتالىق زاماناۋي قۇرال-جابدىقتارمەن جابدىقتالعان. مەسەلەن, SIEMENS انگيوگراف اپپاراتى گەرمانييادان ارنايى ساتىپ الىنعان. قۇنى 300 ملن تەڭگەنٸ قۇرايتىن مەديتسينالىق اپپارات ميوكاردييا ينفاركت, جٷرەك قان تامىرلارى اۋرۋلارىنا وتا جاساۋعا تاپتىرماس قۇرىلعى.
– بٸلٸكتٸ دەرٸگەرلەرٸمٸز تالاي جاننىڭ دەرتٸنە شيپا تابۋىنا تەر تٶگۋگە دايىن. بارلىق وتا جولداما (پورتال) ارقىلى جاسالىنادى. ەرينە, شۇعىل جاعدايدا ۋاقىتپەن ساناسپاي وتا جاساۋ بٸزدٸڭ دەرٸگەرلٸك بورىشىمىز. العاشقى وتا تٷركٸستاندىق راسۋل اتاحانوۆقا جاسالدى. قازٸرگٸ تاڭدا بارلىق ناۋقاستاردىڭ جاعدايى تۇراقتى, – دەدٸ كارديوورتالىقتىڭ ديرەكتورى سالامات قۇرماناەۆ.
جالپى مۇندا نۇر-سۇلتان, الماتى, اقتاۋ قالالارىنان كەلگەن 15 مەديتسينا مامانى جۇمىس ٸستەۋدە. ال, كارديولوگييا سالاسىندا 6 جىلدىق تەجٸريبەسٸ بار دەرٸگەر ەلتاي ەرتايۇلى الماتى قالاسىندا جۇمىس جاساعان. ق.ا.ياساۋي اتىنداعى حقتۋ-دٸڭ تٷلەگٸ. تۋعان جەردٸ تٷلەتۋگە كەلگەن دەرٸگەر سۇحبات بارىسىندا تٷركٸستان وبلىسىنىڭ تۇرعىندارىنا قىزمەت كٶرسەتۋگە دايىن ەكەنٸن جەتكٸزدٸ.
