Búgin Túrkistanda "Taza Qazaqstan" ekologiialyq aktsiiasy aiasynda aýqymdy tazalyq sharasy ótti. Qorshaǵan ortany qorǵaýǵa úndeitin "Qala tazalyǵy – perzenttik paryzym" ekologiialyq aktsiiasy qalanyń 10 aýmaǵynda uiymdastyryldy, dep habarlaidy Dalanews.kz.
Atap aitsaq, Q.A.Iasaýi kesenesi men "Hanshaiym plaza" kesheni, Kúltóbe qalashyǵy aýmaqtarynda, "Jeńis" saiabaǵy men "Otyrar" móltek aýdanyndaǵy 36, 37, 38, 39, 40 kópqabatty turǵyn úi aýlalarynda, sondai-aq Álqoja ata, Alshyn, Dastanov, Nahipov, Áiteke bi, Ǵ.Músirepov kóshelerinde ótti.
Kezekti tazalyq kúnine 1000-ǵa jýyq azamat qatysty. 30-ǵa jýyq tehnika jumyldyrylyp, 18 mekeme qyzmetkerleri men qala turǵyndary atsalysty. Belgilengen aýmaqtar tazalanyp, aǵashtardy kútip-baptaý jumystary júrgizildi. Senbilik nátijesinde qala kóshelerinen 300 tonnaǵa jýyq qoqys shyǵaryldy.
Tazalyq aktsiiasy aiasynda ár apta saiyn qala ákimdigine qarasty mekeme qyzmetkerleri óz ǵimarattary men kóshelerine senbilik ótkizip, ekologiialyq aktsiiaǵa belsendilik tanytyp otyr. Sondai-aq ár apta saiyn tazalyq kúnderine bailanysty sanitarlyq tazalaý jumystary júrgiziledi.
