Túrkistanda taǵlymdy shara ótti
Jiynǵa belgili qoǵam qairatkeri Jánibek Káribjanov, «Túrkistan qalalyq UOS jáne eńbek ardagerler uiymy» qoǵamdyq birlestiginiń tóraǵasy J. Qulbaiymbetov bastaǵan ziialy qaýym ókilderi, «Áziret Sultan» qoryq-mýzeiiniń qyzmetkerleri jáne alys jaqyn óńirlerden kelgen Ájimbet bidiń urpaqtary qatysty.
El bilegen handarymyz, eldi jaýdan qorǵaǵan batyrlar, el men eldi jarastyryp, aýyzbirshilikti nyǵaityp otyrǵan biler men igi jaqsylar ózderin kózi tirisinde Uly babanyń qasyna ákelip jerleýdi ósiet etken.
Solardyń biri – Arǵyn taipasynyń Atyǵai tobynan taraityn, bek atanǵan, qolbasy bolǵan Baǵys atty kórnekti tulǵanyń nemeresi Qydyruly Ájimbet bi, ol HÚIII ǵasyrda ómir súrgen el aǵasy. Keiingi júrip-turǵan jeri Kókshetaý óńiri, Ertis alqaby, Syrymbet salasy.
Ájimbet bi óz zamanynda el úshin talai aiqasqa túsken, daýly jiyndarda ádildikti jaqtaǵan, qara qyldy qaq jarǵan ádilettigimen eldiń qurmetine bólengen tulǵalardyń biri. Ony óz zamandastary «Abylaidyń aldyń kórgen» dep qadir tutyp, únemi topty ortada tórge ozdyrypty.
Ájimbet bi urpaqtarynyń uiymdastyrýymen baba rýhyna arnap qurbandyq shalynyp,kópshilikke as berildi.
Baba urpaqtaryn bastap kelgen Jánibek Káribjanov aǵamyzǵa «Áziret Sultan» memlekettik tarihi-mádeni qoryq-mýzeiiniń direktory Jandos Áýbákir Uly babanyń kesenede jerlengenin aiǵaqtaityn sertifikat pen mýzeidiń baspa ónimderin tabystady. Asqa jinalǵan kópshilik qaýymǵa «Arǵyn Atyǵai Baǵys Ájimbet bi» atty kitapsha taratyldy.
D.QOJAMURATOV
