جيىنعا بەلگىلى قوعام قايراتكەرى جانىبەك كارىبجانوۆ، «تۇركىستان قالالىق ۇوس جانە ەڭبەك ارداگەرلەر ۇيىمى» قوعامدىق بىرلەستىگىنىڭ ءتوراعاسى ج. قۇلبايىمبەتوۆ باستاعان زيالى قاۋىم وكىلدەرى، «ازىرەت سۇلتان» قورىق-مۋزەيىنىڭ قىزمەتكەرلەرى جانە الىس جاقىن وڭىرلەردەن كەلگەن اجىمبەت ءبيدىڭ ۇرپاقتارى قاتىستى.
ەل بيلەگەن حاندارىمىز، ەلدى جاۋدان قورعاعان باتىرلار، ەل مەن ەلدى جاراستىرىپ، اۋىزبىرشىلىكتى نىعايتىپ وتىرعان بيلەر مەن يگى جاقسىلار وزدەرىن كوزى تىرىسىندە ۇلى بابانىڭ قاسىنا اكەلىپ جەرلەۋدى وسيەت ەتكەن.
سولاردىڭ ءبىرى – ارعىن تايپاسىنىڭ اتىعاي توبىنان تارايتىن، بەك اتانعان، قولباسى بولعان باعىس اتتى كورنەكتى تۇلعانىڭ نەمەرەسى قىدىر ۇلى اجىمبەت بي، ول ءحۇىىى عاسىردا ءومىر سۇرگەن ەل اعاسى. كەيىنگى ءجۇرىپ-تۇرعان جەرى كوكشەتاۋ ءوڭىرى، ەرتىس القابى، سىرىمبەت سالاسى.
اجىمبەت بي ءوز زامانىندا ەل ءۇشىن تالاي ايقاسقا تۇسكەن، داۋلى جيىنداردا ادىلدىكتى جاقتاعان، قارا قىلدى قاق جارعان ادىلەتتىگىمەن ەلدىڭ قۇرمەتىنە بولەنگەن تۇلعالاردىڭ ءبىرى. ونى ءوز زامانداستارى «ابىلايدىڭ الدىڭ كورگەن» دەپ ءقادىر تۇتىپ، ۇنەمى توپتى ورتادا تورگە وزدىرىپتى.
اجىمبەت بي ۇرپاقتارىنىڭ ۇيىمداستىرۋىمەن بابا رۋحىنا ارناپ قۇرباندىق شالىنىپ،كوپشىلىككە اس بەرىلدى.
بابا ۇرپاقتارىن باستاپ كەلگەن جانىبەك كارىبجانوۆ اعامىزعا «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ديرەكتورى جاندوس اۋباكىر ۇلى بابانىڭ كەسەنەدە جەرلەنگەنىن ايعاقتايتىن سەرتيفيكات پەن مۋزەيدىڭ باسپا ونىمدەرىن تابىستادى. اسقا جينالعان كوپشىلىك قاۋىمعا «ارعىن اتىعاي باعىس اجىمبەت بي» اتتى كىتاپشا تاراتىلدى.
د.قوجامۇراتوۆ
