Sonymen qatar, oblys ákimi biyl «Týǵan jer» jobasy aiasynda Túrkistan óńirinde kásipkerlerdiń qatysýymen jalpy quny 28 mlrd. teńgeden asatyn 428 nysan salynyp jatqanyn aitty. Búginde onyń 23-i iske qosylǵan.
Sondai-aq, urpaqty bilimdi, ári rýhani bai etip tárbieleý baǵytynda ólkeniń tarihyn keńinen taný, zertteý maqsatynda oqýshylarǵa arnalǵan «Ólketaný» oqýlyǵy daiyndaldy. Odan bólek, Túrkistan qalasy boiynsha tarihi-mádeni eskertkishterdiń jinaǵy basylatyn bolady. Oblystaǵy airyqsha mańyzy bar tarihi-mádeni sáýlettik jáne arheologiia eskertkishteriniń fotoalbomy qazaq, orys, aǵylshyn tilderinde jasalynyp, «Ońtústiktiń qasietti oryndary: ańyz-ápsanalar jinaǵy» men «Ońtústik Qazaqstan oblysynyń tarihi oryndary men kieli jerleri» kitaby jaryq kórdi.
Búginde «Rýhani jańǵyrý» baǵdarlamasy aiasynda «Ordabasy – birliktiń týy» atty annimatsiialyq filmniń túsirilimi aiaqtalyp otyr. Sondai-aq, «Túrkistan», «Oqsyz» annimatsiialyq filmderi men «Tóle bi» teleserialynyń túsirilim jumystary júrgizilýde.
Sondai-aq, oblysta umytyla bastaǵan salt-dástúrlerimizdi qaita jańǵyrtý maqsatynda jáne óńirdiń týristik áleýetin kóterý baǵytynda birqatar is-sharalar uiymdastyryldy. Atap aitqanda, óńirdiń tabiǵi jáne geografiialyq erekshelikterine qarai árbir aýdan qalada bir-birden «Naýryz Qazyǵurttan bastalady», «Qyzǵaldaq festivali», «Qymyzmuryndyq», «KASKASU» sýretshiler planeri», «Agro fest», «Safari Shardara» jobalary sátti júzege asyryldy. Aldaǵy ýaqytta «Qasqasýǵa qar tústi», «Qasqasý men Birkólik arasyndaǵy shańǵy shattyǵy» baiqaýy, «Taý samaly – jan samaly», «Salbýryn – saiatshylyq merekesi» jáne «Qansonarda búrkitshi shyǵady ańǵa», «Ulttyq qolóner – uly mura» atty is-sharalaryn uiymdastyrý josparlanǵan.
