سونىمەن قاتار، وبلىس اكىمى بيىل «تۋعان جەر» جوباسى اياسىندا تۇركىستان وڭىرىندە كاسىپكەرلەردىڭ قاتىسۋىمەن جالپى قۇنى 28 ملرد. تەڭگەدەن اساتىن 428 نىسان سالىنىپ جاتقانىن ايتتى. بۇگىندە ونىڭ 23ء-ى ىسكە قوسىلعان.
سونداي-اق، ۇرپاقتى ءبىلىمدى، ءارى رۋحاني باي ەتىپ تاربيەلەۋ باعىتىندا ولكەنىڭ تاريحىن كەڭىنەن تانۋ، زەرتتەۋ ماقساتىندا وقۋشىلارعا ارنالعان «ولكەتانۋ» وقۋلىعى دايىندالدى. ودان بولەك، تۇركىستان قالاسى بويىنشا تاريحي-مادەني ەسكەرتكىشتەردىڭ جيناعى باسىلاتىن بولادى. وبلىستاعى ايرىقشا ماڭىزى بار تاريحي-مادەني ساۋلەتتىك جانە ارحەولوگيا ەسكەرتكىشتەرىنىڭ فوتوالبومى قازاق، ورىس، اعىلشىن تىلدەرىندە جاسالىنىپ، «وڭتۇستىكتىڭ قاسيەتتى ورىندارى: ءاڭىز-اپسانالار جيناعى» مەن «وڭتۇستىك قازاقستان وبلىسىنىڭ تاريحي ورىندارى مەن كيەلى جەرلەرى» كىتابى جارىق كوردى.
بۇگىندە «رۋحاني جاڭعىرۋ» باعدارلاماسى اياسىندا «ورداباسى – بىرلىكتىڭ تۋى» اتتى اننيماسيالىق ءفيلمنىڭ ءتۇسىرىلىمى اياقتالىپ وتىر. سونداي-اق، «تۇركىستان»، «وقسىز» اننيماسيالىق فيلمدەرى مەن «تولە بي» تەلەسەريالىنىڭ ءتۇسىرىلىم جۇمىستارى جۇرگىزىلۋدە.
سونداي-اق، وبلىستا ۇمىتىلا باستاعان سالت-داستۇرلەرىمىزدى قايتا جاڭعىرتۋ ماقساتىندا جانە ءوڭىردىڭ تۋريستىك الەۋەتىن كوتەرۋ باعىتىندا ءبىرقاتار ءىس-شارالار ۇيىمداستىرىلدى. اتاپ ايتقاندا، ءوڭىردىڭ تابيعي جانە گەوگرافيالىق ەرەكشەلىكتەرىنە قاراي ءاربىر اۋدان قالادا بىر-بىردەن «ناۋرىز قازىعۇرتتان باستالادى»، «قىزعالداق فەستيۆالى»، «قىمىزمۇرىندىق»، «KASKASU» سۋرەتشىلەر پلانەرى»، «اگرو fەst»، «Safari Shardara» جوبالارى ءساتتى جۇزەگە اسىرىلدى. الداعى ۋاقىتتا «قاسقاسۋعا قار ءتۇستى»، «قاسقاسۋ مەن بىركولىك اراسىنداعى شاڭعى شاتتىعى» بايقاۋى، «تاۋ سامالى – جان سامالى»، «سالبۋرىن – ساياتشىلىق مەرەكەسى» جانە «قانسوناردا بۇركىتشى شىعادى اڭعا»، «ۇلتتىق قولونەر – ۇلى مۇرا» اتتى ءىس-شارالارىن ۇيىمداستىرۋ جوسپارلانعان.
