Túrkistan oblysynda jergilikti ákimdik pen qarjy uıymdary tarapynan shaǵyn jáne orta kásipkerlikti damytýǵa qoldaý kórsetilýde.
Osy memlekettik qoldaýlar nátıjesinde óńirde kásipkerlikke bet burǵandar sany artyp keledi. Solardyń biri — Turǵanbaı Ahmetov. Túrkistan qalasynyń turǵyny «Yrys» mıkroqarjynan «Nátıjeli jumyspen qamtý jáne jappaı kásipkerlikti damytý» baǵdarlamasy aıasynda 6 paıyzben 10 mln. teńge jeńildetilgen nesıege qol jetkizgen.
Osy qarjyǵa birneshe qurylǵy satyp alyp, «Datqa» dep atalatyn jeke kásipornyn ashqan. Qazirgi tańda kásipker turmystyq qatty qaldyqtardy óńdep, polıetılen jáne plasıkalyq qubyrǵa qajetti shıkizat óndirýde.
Osy kásibi arqyly ol 11 adamdy jumyspen qamtyp otyr. Aldaǵy ýaqytta kardon qaǵazdaryn óńdeýdi qolǵa almaqshy.
Túrkistan qalasynyń taǵy bir turǵyny Jandar Islambek «Yrys» mıkroqarjy uıymynyń «Jas kásipker» baǵdarlamasy boıynsha 2 mln. teńge nesıe aldy. Búginde jas kásipker avtokólik maı súzgileriniń 286 túrin óndirýde. Osy kásibi arqyly 8 adamdy jumyspen qamtyp, aıyna 20 myń dana súzgi shyǵarýda. Bul súzgiler Túrkistan oblysy men Shymkent qalasyna satylymǵa shyǵarylǵan. Tutynýshylary barshylyq.
Túrkistan oblysynda shaǵyn jáne orta bıznesti damytý baǵytynda qurylǵan «YRYS» mıkroqarjy uıymy jyl basynan beri jalpy somasy 4 387,7 mln.teńgeni quraıtyn 1228 jobany qarjylandyrdy.
Júzege asqan jobalar sheńberinde 1300-den astam jańa jumys orny ashyldy. Qarjylandyrylǵan jobalardyń 31,9% mal sharýashylyǵyn damytýǵa baǵyttalǵan. Naqtyraq aıtsaq, 371 jobaǵa nesıe bólgen. Al, kóktemgi egistik jumystary boıynsha 766 joba, jylyjaı sharýashylyǵy boıynsha 15 jobaǵa qoldaý kórsetilgen. Óndiris, qus sharýashylyǵy, qyzmet kórsetý jáne ózge de salalarǵa qarjylaı qoldaý jasaldy.
«Yrys» mıkroqarjy uıymy shylǵan sátten bastap 17367 jobany qoldap, 16 myńnan astam jańa jumys orynyn ashylýyna yqpal etti. «Jas kásipker» baǵdarlamasy sheńberinde 18 ben 29 jas aralyǵyndaǵy isker jastarǵa 20 mln. teńge nesıe berilgen. Sonymen birge, «Yrys» mıkroqarjy uıymy fermerlerge aldyn-ala tólemsiz qarjy lızıńin berip, «Yrys-Órkendeý» dep baǵdarlamasy boıynsha kásipkerlerge aýylsharýashylyq tehnıkasyn jáne aýylsharýashylyq tehnıkasyn satyp alýǵa qoldaý kórsetýde.
