Ashylý saltanatyna QR «Atameken» UKP basqarma tóraǵasy Abylai Myrzahmetov, óńirlik keńes tóraǵasy Qainar Abasov jáne oblystyń biznes ókilderi qatysty.
Is shara aiasynda oblystyq kásipkerler palatasynyń direktory Oljas Qarjaýov qonaqtardy palata keńsesimen, onda kórsetiletin qyzmet túrlerimen tanystyrdy.
Oblys ákiminiń birinshi orynbasary Q.Núkenovtiń aitýynsha kásipkerler palatasynyń Túrkistanǵa kóshýi óńirdegi kásipkerlik salasynyń sapaly jumys istep, sandyq ósýine edáýir kómek beredi. Bul óz kezeginde, oblystyń áleýmettik-ekonomikalyq damýyna oń áserin tigizedi.
Is shara aiasynda QR «Atameken» UKP basqarma tóraǵasy A.Myrzahmetov óńirlik keńes otyrysyn ótkizip, jańa keńseniń zamanaýi, yńǵaily jumys keńistigin baǵalap, kásipkerler palatasynyń ujymyna sáttilik pen jemisti eńbek tiledi.
Aita keteiik, 2018 jylǵy 5 qazandaǵy QR «Atameken» UKP buiryǵymen Ońtústik Qazaqstan oblysy Kásipkerler palatasy Túrkistan oblysy Kásipkerler palatasy bolyp qaita ózgertilgen bolatyn. Munda jobalardy súiemeldeý, kásipkerlerdiń quqyǵyn qorǵaý, qarjylai emes qoldaý bólimderi kásipkerlerge qyzmet etetin bolady. Sondai-aq ózine-ózi qyzmet kórsetý aimaǵy da iske qosylǵan. Burynǵydai keńesshilermen usynatyn qyzmetterdiń kópshiligin onlain rejiminde alýǵa bolady. Kásip úirenemin deýshilerge kásipkerlik negizderin úiretetin biznes mektep te jumys isteidi.
«Palatanyń Túrkistan oblysynyń kásipkerlerine úlken qoldaý kórsetedi degen úmitimiz bar. Basty maqsatymyz kəsipkerlikti damytýǵa jəne qoldaýǵa, kásipkerlerdiń quqyqtary men zańdy múddelerin qorǵaýǵa, úkimet pen bilik ókilderi arasynda iskerlik kelissózderdi kúsheitýge, normativtik quqyqtyq aktilerdi ázirleý protsesinde kásipkerlerdi tartýǵa baǵyttalǵan», - dep atap ótti Túrkistan oblysy kásipkerler palatasynyń direktory Oljas Karjaýov.
Túrkistan oblysy ákiminiń baspasóz qyzmeti
