Brıfıń barysynda Ǵalym Tursynbaev Elbasy Joldaýyna sáıkes, 2020 jylǵa deıingi memlekettik qyzmet kórsetýdi 90% elektrondy júıege kóshirý jumystary qarqyndy júrip jatqanyn jetkizdi.
Búginde elektrondy úkimetti (E-gov) iske qosý, elektrondy-sıfrlyq qoltańbalar men HQKO arqyly qyzmetter usyný, beınekameralardy keń aýqymdy paıdalaný, Smart City jobasy jáne tutastaı alǵanda kóptegen basqa salalardy sıfrlandyrý eldegi turmystyq sybaılas jemqorlyq deńgeıin tómendetetini sózsiz.
Bul turǵyda Túrkistan oblysynda qyzmet kórsetýde qyzmetshiler men azamattardyń arasynda tikeleı qatynasty joıý úshin qyzmetterdi Halyqqa qyzmet kórsetý ortalyǵy arqyly jáne elektrondy túrde alý portal arqyly alýlaryn qamtamasyz etý boıynsha birqatar jumystar júrgizilýde.
Elektrondyq qyzmetterdi alýdy dáripteý, elektrondyq úkimet portaly arqyly qyzmet alý tásilderi men daǵdylaryn úıretý úshin memlekettik jáne bilim salasy qyzmetkerlerine master-klastar ótkizilip, aqparattyq beıne jáne anımasıalyq rolıkter taratyldy.
Aıta ketý kerek, óńirimizde 300-den asa memlekettik qyzmetter kórsetilse, onyń qazirgi kezdegi elektrondy túrde kórsetilý úlesi 82 paıyzdan astam.
Búginde, azamattar suranysyna beıimdelgen memlekettik apparat qurýdyń basty amaly — adamnyń óziniń barýyn qajetsinbeıtin qyzmetterdi tolyq elektrondyq formatqa kóshirý. Sonyń bir aıǵaǵy, «Sıfrly Qazaqstan» baǵdarlamasyn júzege asyrýda búgin kolej stýdentterine qyzmet kórsetý ortalyǵy ashylyp otyrǵanyn tilge tıek etti. Jıyn sońynda Departament basshysy aldaǵy ýaqytta «Sıfrly Qazaqstan» aıasynda atqaryp jatqan osy ıgi isterimiz barynsha jurtshylyq tarapynan jalǵasyn taýyp, memlekettik qyzmetter barynsha elektrondyq formatqa kóshiriletinin aıtyp qorytyndylady.
