Túrkistan qalasyndaǵy «Túrkistan Arena» stadionynda balalarǵa arnalǵan «Teń múmkindikter» inkliýziialyq sport festivali ótti, dephabarlaidy Dalanews.kz Túrkistan oblysy ákiminiń baspasóz qyzmetine silteme jasap.
«AMANAT» partiiasy Túrkistan oblystyq filialy Áielder qanatynyń bastamasymen ótkizilgen festivalge oblys ákimdiginiń birqatar basqarmalary qoldaý kórsetti. Festivaldiń ashylý saltanatynda Túrkistan oblysy ákimniń orynbasary Ertai Altaev sóz alyp, belsendi ómir saltyn ustanýǵa bekingen balaqailarǵa berekeli jeńis jolyn tilep, jarystan úzdik shyǵýlaryna tilektestikterin jetkizdi.
Atalǵan sharanyń maqsaty – erekshe bilim berý qajettilikteri bar balalar men olardyń deni saý qurdastary arasyndaǵy dostyq bailanystaryn nyǵaitý, balalardyń áleýmettik belsendiligin, senimi men ózara syilastyqtaryn arttyrý.
Festivaldiń Túrkistan oblysynda ótetin kezeńinde Túrkistan, Kentaý qalalary men Báidibek, Ordabasy, Saýran aýdandarynan barlyǵy 10 komanda qatysty. Jarysqa ár aýdannan kishi jáne aǵa sanat boiynsha eki komandadan qatystyryldy. Jeńimpazdar men júldegerler arnaiy marapattaldy.
