Búginde pilottyq joba aiasynda Túrkistan qalasynyń qiylysynda 26 «Sergek» kameralary ornalasqan. Sonymen qatar jaiaý júrginshiler ótkeli bar jerlerde 30 jelilik «Sergek» keshenderi jáne qala ishindegi qoǵamdyq tártipti saqtaý maqsatynda qoiylǵan 200 beinebaqylaý kameralary jumys isteýde.
Byltyr «Sergek» pilottyq jobasyn iske asyrý boiynsha Túrkistan oblysynyń ákimdigi men politsiia departamenti jáne «Kórkem Telekom» JShS arasynda memorandýmǵa qol qoiylǵan bolatyn.
Sondai-aq Túrkistan qalasynda «Qorǵaý» júiesi iske qosyldy. Atalǵan júie «Sergek» kameralarynyń kómegimen patrýldik politsiia qyzmetkerine 10 minýt ishinde jol júrý erejesin buzǵan avtokólikterdi, jalǵan nómirler ornatylǵanyn, aiyppul tólenbegenin habarlai alatyn nemese izdeýde júrgen qylmyskerler týraly aqparatty berip otyrady.
Oblys aýmaǵyndaǵy avtokólik tas joldarynda ornalasqan «Sergek» kesheninderin aita ketetin bolsaq, bul jelilik kamera keshenderi P-31 avtojolynyń Kentaý-Túrkistan baǵyty boiynda (Oranǵai aýyldyq okrýgi), M-32 halyqaralyq avtojolynyń Túrkistan-Shymkent baǵyty boiynda (Spataev, Kókaral, Qainar, Shubarsý eldi mekenderi), A-2 avtojolynyń Túlkibas-Shymkent pen Shymkent-Tashkent baǵyttary boiynda (Atameken, Qultýma, Qarabulaq, Rabat eldi mekenderi), A-15 avtojolynyń (Besqubyr jáne Jańa Dáúir aýylyna burylǵan jerde) boiynda ornalasqan.
