Túrkistan oblysynda Nátijeli jumyspen qamtýdy jáne jappai kásipkerlikti damytýdyń baǵdarlamasy aiasynda
biyl 65 myń adamdy jumyspen qamtý josparlansa, aǵymdaǵy jyldyń 9 aiynyń qorytyndysy boiynsha naqty 54 myń adam jumysqa ornalasqan.
Búgin týraly Túrkistan oblysynyń Óńirlik kommýnikatsiialar qyzmetinde ótken brifingte Jumyspen qamtýdy úilestirý jáne áleýmettik baǵdarlamalar basqarmasynyń basshysy Muhit Otarshiev málimdedi.
Atalǵan baǵdarlama 3 baǵyt boiynsha júzege asyrylady. Máselen, tehnikalyq jáne qysqa merzimdi kásiptik oqytýmen qamtamasyz etýge 7953 adam oqýǵa joldanǵan.
«Ár aýylǵa óz sheberi» aktsiiasy boiynsha 2600 azamat oqýǵa jiberilip, Onyń ishinde oqýdy aiaqtaǵan 2 myń adamnyń 1200-i nemese 63 paiyzy turaqty jumysqa ornalasqan. Elbasynyń «Bolashaqqa baǵdar: rýhani jańǵyrý» atty baǵdarlamasyna sáikes, ulttyq qolóner sheberleri, ulttyq taǵamdardy ázirleý aspazshysy, sýretshi, keskindemeshi mamandyqtary jáne dándi daqyldardy óndeý, agrotehnikalyq mamandyqtar boiynsha 2 myń adam bilim alýda. Onyń 1400-i oqýdy aiaqtap, 1 myń adam turaqty jumysqa ornalasqan», - dedi Muhit Baimuhanbetuly.
Jappai kásipkerlikti damytý baǵyty boiynsha «Bastaý-Biznes» jobasy aiasynda oqytýǵa 1730 adam oqýǵa joldanyp, tiisti sertifikattaryn alǵan. Sertifikat alǵan 215 maman 1,1 mlrd. teńge kóleminde shaǵyn nesiemen qamtamasyz etildi.
Shaǵyn nesiemen qamtamasyz etýge josparlanǵan 792 adamnyń 543-i 2,3 mlrd. teńge kóleminde shaǵyn nesie alyp, nátijesinde 842 jańa jumys orny quryldy.
Basqarma tarapynan halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý sheńberinde 43700 adamǵa qyzmet kórsetilip, nátijesinde óńirdegi jalpy jumyssyzdyq deńgeii 5,2 paiyz, jastar arasyndaǵy jumyssyzdyq 4,4 paiyz kóleminde bolyp otyr.
