– «Áziret Sultan» qoryq-murajaiy aimaǵy mańyndaǵy Ortaq eldimekeninen Iasaýi kesenesi jaqsy kórinedi. Dál osy aimaqtan jańa týristik aimaq salý qajet. Turǵyn úiler shyǵystyq úlgimen salynyp, biiktigi 3 qabattan aspaityn bolady. Sondai-aq, sol qalany qaq jaratyn ózen júrgizip, ainalasyna kólshikter jasaý kerek. Bul qaladaǵy ylǵaldylyqty arttyrady. Týrister úshin arnaiy etnoaýyl da oryn tebetin bolady. Tiisti basqarmalarǵa qurylysty bastaý úshin arnaiy zertteý júrgizip, qujattamalaryn ázirleýdi tapsyramyn. Sonymen qatar, barlyq infraqurylym máseleleri sheshiletin bolýy tiis, – dedi Ómirzaq Estaiuly.
Budan soń oblysy ákimi Túrkistan qalasynyń kireberis qaqpasyna aialdady. Onda aldaǵy ýaqytta qalanyń shyraiyn ashatyn ǵimarattar boi kóterý qajettigin tapsyrdy.
– Túrkistan qalasynyń kireberis qaqpasy kórikti bolýy tiis. Oblys ortalyǵyna kelgen týrister áýeli jańa qalany kórip, keiin kóne qalamen qaýyshýy qajet. Sol úshin qalanyń qaqpa tusynda zamanaýi ǵimarattar boi kóterýi kerek, – dedi oblys ákimi.
Sondai-aq, oblys ortalyǵyndaǵy sapar aiasynda óńir basshysy qalany sýlandyrý júiesimen, jasyl jelek jumystarymen tanys bolyp, birqatar tapsyrmalar berdi.
Túrkistan oblysy ákimniń baspasóz qyzmeti
