Túrkistan qalasyndaǵy Iasaýı atyndaǵy HQTÝ basshylyǵy tarapynan óńirdegi ǵylymı áleýetti damytý baǵytynda birqatar is-sharalar atqaryldy. Atap aıtqanda, bıylǵy oqý jylynda magıstratýra, doktorantýra, rezıdentýra kontıngenti 30 paıyzǵa arttyryldy. Doktorantýraǵa qabyldaý eki esege, magıstratýraǵa 1,5 ese artty.  Bul týraly Túrkistan oblysynyń óńirlik komýnıkasıalar qyzmetinde ótken brıfıńte qala ákimi  Iasaýı atyndaǵy HQTÝ-ń rektory Bolatbek Ábdrasılov málimdedi.

Onyń aıtýynsha, otandyq ozyq ǵylymı zertteý ortalyqtary men ınstıtýtarymen memorandýmdar jáne kelisimder túzilgen.

– Inovasıalyq ınfraqurylymnyń negizgi quraýshysy bolyp tabylatyn Tehnologıalardy komersıalandyrý ofısi quryldy. Kentaý Transformator zavodymen Energetıka, aqparattyq tehnologıa jáne kıberqaýipsizdik salalary boıynsha ortaq tehnopark qurý máselesinde ýaǵdalastyqqa qol jetkizildi. Bul baǵytta qazirgi ýaqytta ornalasý jeri belgilenip, jóndeý jumystary júrgizilýde. Ýnıversıtet ǵalymdarynyń ǵylymı zertteý jumystarynyń nátıjesin komersıalandyrý boıynsha Ǵylym qorynyń 3 jyldyq merzimge arnalǵan  jalpy quny 745 mln., tengeni quraıtyn  4 grantyn jeńip alýy  óńir úshin sensasıalyq qubylys dep aıta alamyz, – dedi Bolatbek Serikbaıuly.

Sonymen qatar, ýnıversıtettiń 2 jas ǵalymy Halyqaralyq iri kompanıa bolyp tabylatyn  Scopus (ELSEVIER) tarapynan uıymdastyrylǵan  Ortalyq Azıa úshin Scopus Award-2018 baıqaýynda  «Best Researcher in Humanities» nomınasıasynda jeńimpaz atanǵan.

Buǵan qosa, «Bilig» ǵylymı jýrnalynyń  Clarivate Analytics jáne  Scopus sekildi aldynǵy qatarly álemdik ǵylymı málimetter qorynda ıdekstelýi, HQTÝ habarshysy jýrnalynyń QR BǴM tarapynan usynylǵan jýrnaldar tizimine eńgizilýi aıtarlyqtaı jetistik bolyp tabylady.

 

 

Túrkistan oblysy ákiminiń baspasóz qyzmeti