2016 jyly qurylysy bastalǵan oqý ǵımaratynda 10 synyp bólmesi, ashana, sport zaly men májilis zaly jáne medpýnkt qarastyrylǵan. Jobanyń quny 374 mln. teńgeni quraıdy.
Buǵan deıin atalǵan mekteptiń eski ǵımaraty jetispegendikten, keńes táýelsizdik jyldaryna deıin jumys jasap kelgen «Juldyzsha» balabaqshasynyń ǵımaraty shákirtterdiń synyby retinde paıdalanylyp kelgen. Osyndaı oryndarda tálim alǵan 1179 oqýshynyń aldaǵy kúnderi alańsyz bilim alýyna tolyq jaǵdaı jasalyp otyr.
Budan soń oblys basshysy Túrkistan qalasyna qarasty Qumtıyn eldi mekenindegi «Qulynshaq» balabaqshasynyń ashylý saltanatyna qatysty. Qurylysy ótken jyly bastaý alǵan búldirshinderdiń altyn uıasy aýyl turǵyndary úshin kúrdeli máseleniń biri bolyp kelgen. 1825 turǵyny bar Qumtıyn eldi mekenindegi mektep janyndaǵy shaǵyn ortalyqta 80 bala tárbıelenip kelgen. Endigi jerde 120 oryndyq tıptik úlgidegi balabaqsha ǵımaraty mundaǵy kúrmeýli máseleniń sheshimine balanyp otyr.
Túrkistan qalasyna jasaǵan jumys saparynda Ońtústik Qazaqstan oblysynyń ákimi J.Túımebaev sút ónimderin qaıta óńdeıtin «Muzdy taý» óndiris ornynyń jumysymen tanysty. 2013 jyldan beri balmuzdaqtyń 30 túrin shyǵaratyn óndiris orny ónimderin elimizdiń 5 oblysyna taratyp keledi. Jalpy quny 450 mln. teńgeni quraıtyn jobanyń jyldyq qýattylyǵy 900 tonna ónim shyǵarýǵa qaýqarly. 2016 jyly kásiporyn 118,6 mln. teńgeniń ónimin óndirse, bıyl 140 mln. teńgeniń ónimin naryqqa shyǵarýdy mejelep otyr. Munda 50 adam jumyspen qamtylǵan.
Turǵyndardy jumyspen qamtyp, qala ekonomıkasynyń damýyna úlesin qosyp otyrǵan kásiporynǵa aımaq basshysy oń baǵasyn berip, shaǵyn kásipkerlikpen aınalysýǵa yntaly jas azamattarǵa memleketten beriletin qoldaýlardy keńinen nasıhattaýdy qala ákimine aıtty.
OQO ákiminiń baspasóz qyzmeti
