Túrkistanda azyq-túliktiń 5 800 tonnaǵa jýyq qory bar
Brifingke qatysqan oblystyq kásipkerlik jáne saýda basqarmasynyń basshysy Nurbaqyt Imanqulov Túrkistan qalasynda áleýmettik mańyzy bar azyq-túlik taýarlarynan 2 taýar (sábiz, piiaz) baǵasy tómendep, 1 taýar (jumyrtqa 355 teńgeden 361 teńge) baǵasynyń óskendigin aitty.
Qalǵan 14 taýar (nan, qunbaǵys maiy, sary mai, siyr eti, taýyq eti, tuz, kartop, qumsheker, kúrish, qyryqqabat, qaraqumyq, airan, súzbe) boiynsha jaǵdai turaqty ekendigin jetkizdi.
Sonymen qatar, brifingte Básekelestikti qorǵaý jáne damytý departamenti basshysynyń orynbasary Danabek Mahatov deldaldyq shemalardy anyqtaý jáne naryqty taldaý jumystary júrgizilgendigin málimdedi.
– Departamentpen taýyq jumyrtqasyn (S-1 sanaty) óndirýmen jáne satýmen ainalysatyn 2 naryq sýbektisine («Bes qara» JShS, «Iassy qus» ShQ) qatysty QR básekelestikti qorǵaý salasyndaǵy zańnamasyn buzý belgileriniń bolýy týraly Habarlama jiberildi. Óz kezeginde, «Iassy qus» ShQ satý baǵasyn 30 teńgeden 27 teńge, iaǵni 10%-ǵa tómendetý jolymen Departamenttiń habarlamasyn oryndady, – dedi ol.
