2021 jyldyń 2 qarashasyndaǵy QR UEM statısıkalyq málimetine sáıkes, Túrkistan qalasy áleýmettik mańyzy bar azyq-túlik taýarlarynyń baǵa ındeksi boıynsha Qazaqstannyń 19 qalalarynyń ishinde 14 orynda. Búgingi tańda turaqtandyrý qorynda quny 547,1 mln teńgege 5 749,7 tonna azyq-túlik taýary bar. Bul týraly «Túrkistan» ÁKK Turaqtandyrý qorynyń basshysy Laýra Janasbaeva málimdedi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Brıfıńke qatysqan oblystyq kásipkerlik jáne saýda basqarmasynyń basshysy Nurbaqyt Imanqulov Túrkistan qalasynda áleýmettik mańyzy bar azyq-túlik taýarlarynan 2 taýar (sábiz, pıaz) baǵasy tómendep, 1 taýar (jumyrtqa 355 teńgeden 361 teńge) baǵasynyń óskendigin aıtty.

Qalǵan 14 taýar (nan, qunbaǵys maıy, sary maı, sıyr eti, taýyq eti, tuz, kartop, qumsheker, kúrish, qyryqqabat, qaraqumyq, aıran, súzbe) boıynsha jaǵdaı turaqty ekendigin jetkizdi.

Sonymen qatar, brıfıńte Básekelestikti qorǵaý jáne damytý departamenti basshysynyń orynbasary Danabek Mahatov deldaldyq shemalardy anyqtaý jáne naryqty taldaý jumystary júrgizilgendigin málimdedi.

– Departamentpen taýyq jumyrtqasyn (S-1 sanaty) óndirýmen jáne satýmen aınalysatyn 2 naryq sýbektisine («Bes qara» JSHS, «Iassy qus» SHQ) qatysty QR básekelestikti qorǵaý salasyndaǵy zańnamasyn buzý belgileriniń bolýy týraly Habarlama jiberildi. Óz kezeginde, «Iassy qus» SHQ satý baǵasyn 30 teńgeden 27 teńge, ıaǵnı 10%-ǵa tómendetý jolymen Departamenttiń habarlamasyn oryndady, – dedi ol.