2021 جىلدىڭ 2 قاراشاسىنداعى ق ر ۇەم ستاتيستيكالىق مالىمەتىنە سايكەس، تۇركىستان قالاسى الەۋمەتتىك ماڭىزى بار ازىق-تۇلىك تاۋارلارىنىڭ باعا يندەكسى بويىنشا قازاقستاننىڭ 19 قالالارىنىڭ ىشىندە 14 ورىندا. بۇگىنگى تاڭدا تۇراقتاندىرۋ قورىندا قۇنى 547،1 ملن تەڭگەگە 5 749،7 توننا ازىق-تۇلىك تاۋارى بار. بۇل تۋرالى «تۇركىستان» اكك تۇراقتاندىرۋ قورىنىڭ باسشىسى لاۋرا جاناسبايەۆا مالىمدەدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بريفينگكە قاتىسقان وبلىستىق كاسىپكەرلىك جانە ساۋدا باسقارماسىنىڭ باسشىسى نۇرباقىت يمانقۇلوۆ تۇركىستان قالاسىندا الەۋمەتتىك ماڭىزى بار ازىق-تۇلىك تاۋارلارىنان 2 تاۋار (ءسابىز، پياز) باعاسى تومەندەپ، 1 تاۋار (جۇمىرتقا 355 تەڭگەدەن 361 تەڭگە) باعاسىنىڭ وسكەندىگىن ايتتى.

قالعان 14 تاۋار (نان، قۇنباعىس مايى، سارى ماي، سيىر ەتى، تاۋىق ەتى، تۇز، كارتوپ، قۇمشەكەر، كۇرىش، قىرىققابات، قاراقۇمىق، ايران، سۇزبە) بويىنشا جاعداي تۇراقتى ەكەندىگىن جەتكىزدى.

سونىمەن قاتار، بريفينگتە باسەكەلەستىكتى قورعاۋ جانە دامىتۋ دەپارتامەنتى باسشىسىنىڭ ورىنباسارى دانابەك ماحاتوۆ دەلدالدىق سحەمالاردى انىقتاۋ جانە نارىقتى تالداۋ جۇمىستارى جۇرگىزىلگەندىگىن مالىمدەدى.

– دەپارتامەنتپەن تاۋىق جۇمىرتقاسىن (س-1 ساناتى) وندىرۋمەن جانە ساتۋمەن اينالىساتىن 2 نارىق سۋبەكتىسىنە («بەس قارا» ج ش س، «ياسسى قۇس» شق) قاتىستى ق ر باسەكەلەستىكتى قورعاۋ سالاسىنداعى زاڭناماسىن بۇزۋ بەلگىلەرىنىڭ بولۋى تۋرالى حابارلاما جىبەرىلدى. ءوز كەزەگىندە، «ياسسى قۇس» شق ساتۋ باعاسىن 30 تەڭگەدەن 27 تەڭگە، ياعني 10%-عا تومەندەتۋ جولىمەن دەپارتامەنتتىڭ حابارلاماسىن ورىندادى، – دەدى ول.