Túrkistan oblysynyń ortalyǵy - Túrkistan shaharynda «Mega city» oıyn-saýyq kesheni ashylyp, el ıgiligine berildi. Qalanyń "Batys Eýropa-Batys Qytaı" aınalma joly boıynda ornalasqan saýda ortalyǵynyń aýmaǵy 15000 sharshy metrdi quraıdy.

İrgetasy 2014 jyldan bastap qalana bastaǵan saýda úıiniń jalpy quny 2,5 mlrd teńge. Nysannyń negizgi baǵyty oıyn-saýyq, saýda oryndaryna arnalǵan.

Táýligine 800 adamǵa deıin qyzmet kórsetýge yńǵaılastyrylǵan ǵımarat tolyqtaı jumysyna kiriskende jergilikti 200 adamdy jumyspen qamtýǵa múmkindik týyndaıdy.

«Mega city» oıyn-saýyq kesheni zamanaýı talaptarǵa saı boı kótergen. Onda kópshilikke arnalǵan tamaqtaný oryndary men «MegaCinema» kınoteatry, balalar úshin sońǵy úlgidegi avtomattandyrylǵan oıyn atraksıondary bar. Sonymen qatar, gıpermarketter de qarastyrylǵan.