Bul jaiynda Túrkistan oblysy boiynsha Memlekettik kirister departamentiniń baspasóz qyzmeti málimdedi.
Seminarǵa QR QM Memlekettik kirister komiteti Tóraǵasynyń orynbasary J.Ińkerbaev bastaǵan Memlekettik kirister komitetiniń mamandary - QR QM MKK-niń Bereshektermen jumys basqarmasynyń bas sarapshysy A.Sadyqbaeva, QR QM MKK-niń Salyqtyq ádisnama departamenti Óndiristik emes tólemder basqarmasynyń bas sarapshysy D.Bisenaliev syndy mamandar qatysty. Sondai aq, seminarǵa Túrkistan oblysy men Shymkent qalasynyń Memlekettik kirister departamentteriniń basshylary jáne qyzmetkerleri, salyq tóleýshiler keldi.
Aita keterligi, Túrkistan oblysy boiynsha salyqtyq raqymshylyqqa shaǵyn jáne orta biznestiń 10 909 sýbektileri ilikken. 2019 jyldyń 1 qazanyndaǵy málimet boiynsha 7 926 sýbektilerdiń, iaǵni jalpy sanynyń 73%-y 73,2 mln tenge kólemindegi bereshekterin tólegen.
Al 2019 jyldyń 1 qańtardaǵy esep boiynsha jeke tulǵalardyń arasyndaǵy bereshegi barlardyń qatary 140 myń adamdy qurasa, olardyń memleketke qaryzy 722 mln tengege jetken. Munyń ishinde 82,3 paiyzynyń kólik, múlik jáne jer salyǵyna bereshegi bar. 4 qazanǵa deiingi málimet boiynsha 18 086 jeke tulǵanyń ósimpuly alynyp tastaldy.
Seminar barysynda birneshe másele kóterildi. Atap aitqanda, elimizdegi júrgizilip jatqan salyqtyq raqymshylyq jumystarynyń nátijesi, salyqtyq qaryzdardy óndirý jumystary, kameraldy, eksporttyq baqylaý men óndiristik emes tólemder jónindegi máseleler talqylandy. Seminarda salyq tóleýshiler mamandarǵa tolǵandyrǵan saýaldaryn qoiyp, jaýap aldy. Sondai aq, seminarǵa qatysýshylar tarapynan túsken usynystar men eskertýlerdi boiynsha qarar qabyldandy.
