«Rýhanı jańǵyrý» baǵdarlamasy aıasyndaǵy mańyzdy jıyndy Túrkistan oblysynyń ákimdigi men Halyqaralyq Túrki Akademıasy birlesip uıymdastyrdy. Sonymen qatar, Túrki keńesi men Qoja Ahmet Iasaýı atyndaǵy Halyqaralyq qazaq-túrik ýnıversıteti de qoldaý kórsetýde. Konferensıany Túrkistan oblysynyń ákimi Janseıit Túımebaev ashty.
Qazir «Túrki áleminiń kıeli jerleri», «Túrki dúnıesiniń tuǵyrly tulǵalary» jáne «Túrki tilderi jáne jazýy» taqyryptaryndaǵy seksıalyq otyrystar ótip jatyr.
Memleket basshysy Nursultan Nazarbaevtyń Túrki keńesiniń VI samıtinde kótergen «Túrki dúnıesiniń tuǵyrly tulǵalary» jáne «Túrki áleminiń kıeli jerleri» bastamalaryn júzege asyrý baǵytynda uıymdastyrylǵan ǵylymı basqosýda túrki dúnıesiniń ǵylymy, mádenıeti men ádebıeti, túrki tilderi, kıeli jerler men tuǵyrly tulǵalary týraly aıtylady.
Konferensıaǵa Qazaqstandaǵy birqatar shetel dıplomattary men halyqaralyq uıymdardyń ókilderi men tarıhshylary, Ázirbaıjan, Qazaqstan, Qyrǵyzstan, Túrkıa ǵalymdary men AQSH, Reseı, Úndistan, Ózbekstan zertteýshileri qatysýda.
