Túrki elderiniń taǵdyryn toǵystyrǵan kieli Túrkistan tórindegi dúbirli sharaǵa 23 memleketten kelgen Túrkitildes 25 ulttan turatyn 300-ge tarta sheteldik qonaqtar, halyqaralyq uiym ókilderi, qazaqstandyq ziialy qaýym jáne óner tulǵalary, buqaralyq aqparat quraldary men ońtústikqazaqstandyq turǵyndar, iaǵni, jalpy sany 10 myńǵa jýyq adam qatysty. Olardyń ishinde, QR Mádeniet jáne sport ministri Arystanbek Muhamediuly men «TÚRKSOI» Halyqaralyq Uiymynyń Bas hatshysy Dúisen Qaseiinovter syndy ár eldiń joǵary laýazymdy resmi ókilderi bar.
Merekelik is-sharaǵa kelgen meimandar, eń aldymen, Qoja Ahmet Iasaýi kesenesi men onyń ainalasyna jerlengen qazaq handary, abyz-áýlieleri, bileri men batyrlaryna arnalǵan panteonmen tanysty. Munan soń, meimandar Túrkistan tarihi mýzeiin aralap, ondaǵy jádigerlermen tanysty. Al qolóner sheberleriniń aýylyna bas suqqan halaiyq túrli buiymdardy ózdiginshe jasap kórip, bir sát baǵzy zamanǵa tap bolǵandai áser aldy.
Is-sharanyń saltanatty ashylýynda sóz bastaǵan Ońtústik Qazaqstan oblysynyń ákimi Janseiit Túimebaev barsha jurtshylyqty Túrkistandy Túrki áleminiń mádeni astanasy jyly atanýymen quttyqtap, osy abyroily mindetti birlese ótkizýge shaqyrdy.
«Túrki áleminiń búgingi zamandaǵy kemeńger kóshbasshysy atanǵan Prezidentimiz Nursultan Ábishuly Nazarbaev «TÚRKSOI» túrki áleminiń IýNESKO-syna ainalýy tiis» degen bolatyn. Osy TÚRKSOI uiymy túrki áleminiń mádeni astanalaryn tańdaý jobasyn 2012 jyldan beri júzege asyryp keledi. TÚRKSOI uiymy shynynda da túrki dúniesiniń IýNESKO-syna ainaldy», - dedi Janseiit Qanseiituly.
Munan soń, osynaý tarihi shara barysynda TÚRKSOI Halyqaralyq uiymynyń «Baspasóz syilyǵy» sheteldik jáne qazaqstandyq 15 úzdik jýrnalistke tapsyrylyp, mereke jalǵasy álemdik deńgeidegi kontserttik baǵdarlamaǵa ulasty. Onda 500-ge jýyq bishi kún men tún, juldyzdar beinesinde «Kún men Túnniń teńelýi jáne Tabiǵattyń oianýy» teatrlandyrylǵan sazdy-horeografiialyq qoiylymyn kórsetti. Sondai-aq, Túrkitildes halyqtarǵa ortaq uly tulǵalar - Arystan bab, Iassaýi, Ál-Farabi, Qorqyt ata obrazdaryndaǵy kórinis sahnalansa, Qazaq handary kieli shańyraqty kóterip, ondaǵy ýyqtardy óńirimizdegi 20 etnomádeni ortalyqtyń ókilderi ustaýymen beibit elimizdegi turaqtylyq pen tatýlyqty pash etti.
Kontserttik baǵdarlama barysynda «Súiinshi. Shashý» kórinisi qoiyldy. Onda Ulttyq kiimdegi attyly jarshylar «Naýryz» kelgeni jóninde súiinshi surap, shashý shashty. Alańda Túrkitildes memleketterge arnalǵan 6 kiiz úi kóterilip, Túrkitildes memleketterdiń «Naýryz» kerýeni keldi. Kerýende 18 túie, 30 at, 4 arba jáne Túrkitildes memleketterden kelgen 300-ge jýyq mádeniet maitalmandary óner kórsetti.
Saltanatty jiynda Túrkitildes memleketterdiń álem halqyn birlikke, dostyqqa, beibitshilikke shaqyrýǵa arnaǵan úndeýi qabyldandy.
«Túrkistan – Túrki áleminiń mádeni astanasy» jylynyń aiasynda, naýryz merekesine orai, Túrkistan qalasynda Túrki áleminiń «Naýryz» Halyqaralyq aqyndar aitysy men Túrki áleminiń «Burań bel» bi festivali ótedi.
OQO ákiminiń baspasóz qyzmeti
