Qýandyq Bishimbaev isinde prokýror retinde tanylǵan Aijan Aimaǵanova Quryltai depýtaty qyzmetindegi alǵashqy eki aptanyń qorytyndysyn bólisti. Ol osy ýaqyt ishinde atqarǵan jumystary týraly áleýmettik jelidegi paraqshasynda jazdy, dep habarlaidy dalanews.kz.
Aimaǵanova Quryltaidaǵy Konstitýtsiialyq zańnama, sot júiesi jáne quqyq qorǵaý organdary jónindegi komitettiń múshesi ekenin atap ótti. Onyń aitýynsha, osy ýaqyt ishinde zań jobalarynyń birine qatysty jumys tobynyń otyrysyn ótkizip úlgergen.
Sondai-aq depýtat basqa zań jobalary boiynsha qurylǵan birneshe jumys tobynyń qyzmetine qatysyp júrgenin málimdedi.
"Sonymen qatar basqa zań jobalary boiynsha birneshe jumys tobynyń jumysyna qatysyp júrmin", – dedi Aimaǵanova.
Alǵashqy eki aptada depýtat 18-ge jýyq qazaqstandyqty jeke qabyldap, olardyń máseleleri men usynystaryn tyńdaǵan. Aimaǵanova alda atqarylatyn jumys kóp ekenin aityp, ózi úshin eń mańyzdysy – azamattardyń senimin aqtaý ekenin jetkizdi.
"Osy jyldar boiy azamattar men jýrnalister tarapynan úlken qoldaý sezindim. Búgin mende osyndai múmkindik bar bolsa, oǵan sizderdiń de úlesterińiz bar dep esepteimin. Árqaisyńyzǵa shyn júrekten alǵys aitamyn!" – dedi depýtat.
