تٷركٸ ەلدەرٸنٸڭ تاعدىرىن توعىستىرعان كيەلٸ تٷركٸستان تٶرٸندەگٸ دٷبٸرلٸ شاراعا 23 مەملەكەتتەن كەلگەن تٷركٸتٸلدەس 25 ۇلتتان تۇراتىن 300-گە تارتا شەتەلدٸك قوناقتار, حالىقارالىق ۇيىم ٶكٸلدەرٸ, قازاقستاندىق زييالى قاۋىم جەنە ٶنەر تۇلعالارى, بۇقارالىق اقپارات قۇرالدارى مەن وڭتٷستٸكقازاقستاندىق تۇرعىندار, ياعني, جالپى سانى 10 مىڭعا جۋىق ادام قاتىستى. ولاردىڭ ٸشٸندە, قر مەدەنيەت جەنە سپورت مينيسترٸ ارىستانبەك مۇحامەديۇلى مەن «تٷركسوي» حالىقارالىق ۇيىمىنىڭ باس حاتشىسى دٷيسەن قاسەيٸنوۆتەر سىندى ەر ەلدٸڭ جوعارى لاۋازىمدى رەسمي ٶكٸلدەرٸ بار.
مەرەكەلٸك ٸس-شاراعا كەلگەن مەيماندار, ەڭ الدىمەن, قوجا احمەت ياساۋي كەسەنەسٸ مەن ونىڭ اينالاسىنا جەرلەنگەن قازاق حاندارى, ابىز-ەۋليەلەرٸ, بيلەرٸ مەن باتىرلارىنا ارنالعان پانتەونمەن تانىستى. مۇنان سوڭ, مەيماندار تٷركٸستان تاريحي مۋزەيٸن ارالاپ, ونداعى جەدٸگەرلەرمەن تانىستى. ال قولٶنەر شەبەرلەرٸنٸڭ اۋىلىنا باس سۇققان حالايىق تٷرلٸ بۇيىمداردى ٶزدٸگٸنشە جاساپ كٶرٸپ, بٸر سەت باعزى زامانعا تاپ بولعانداي ەسەر الدى.
ٸس-شارانىڭ سالتاناتتى اشىلۋىندا سٶز باستاعان وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ بارشا جۇرتشىلىقتى تٷركٸستاندى تٷركٸ ەلەمٸنٸڭ مەدەني استاناسى جىلى اتانۋىمەن قۇتتىقتاپ, وسى ابىرويلى مٸندەتتٸ بٸرلەسە ٶتكٸزۋگە شاقىردى.
«تٷركٸ ەلەمٸنٸڭ بٷگٸنگٸ زامانداعى كەمەڭگەر كٶشباسشىسى اتانعان پرەزيدەنتٸمٸز نۇرسۇلتان ەبٸشۇلى نازارباەۆ «تٷركسوي» تٷركٸ ەلەمٸنٸڭ يۋنەسكو-سىنا اينالۋى تيٸس» دەگەن بولاتىن. وسى تٷركسوي ۇيىمى تٷركٸ ەلەمٸنٸڭ مەدەني استانالارىن تاڭداۋ جوباسىن 2012 جىلدان بەرٸ جٷزەگە اسىرىپ كەلەدٸ. تٷركسوي ۇيىمى شىنىندا دا تٷركٸ دٷنيەسٸنٸڭ يۋنەسكو-سىنا اينالدى», - دەدٸ جانسەيٸت قانسەيٸتۇلى.
مۇنان سوڭ, وسىناۋ تاريحي شارا بارىسىندا تٷركسوي حالىقارالىق ۇيىمىنىڭ «باسپاسٶز سىيلىعى» شەتەلدٸك جەنە قازاقستاندىق 15 ٷزدٸك جۋرناليستكە تاپسىرىلىپ, مەرەكە جالعاسى ەلەمدٸك دەڭگەيدەگٸ كونتسەرتتٸك باعدارلاماعا ۇلاستى. وندا 500-گە جۋىق بيشٸ كٷن مەن تٷن, جۇلدىزدار بەينەسٸندە «كٷن مەن تٷننٸڭ تەڭەلۋٸ جەنە تابيعاتتىڭ ويانۋى» تەاترلاندىرىلعان سازدى-حورەوگرافييالىق قويىلىمىن كٶرسەتتٸ. سونداي-اق, تٷركٸتٸلدەس حالىقتارعا ورتاق ۇلى تۇلعالار - ارىستان باب, ياسساۋي, ەل-فارابي, قورقىت اتا وبرازدارىنداعى كٶرٸنٸس ساحنالانسا, قازاق حاندارى كيەلٸ شاڭىراقتى كٶتەرٸپ, ونداعى ۋىقتاردى ٶڭٸرٸمٸزدەگٸ 20 ەتنومەدەني ورتالىقتىڭ ٶكٸلدەرٸ ۇستاۋىمەن بەيبٸت ەلٸمٸزدەگٸ تۇراقتىلىق پەن تاتۋلىقتى پاش ەتتٸ.
كونتسەرتتٸك باعدارلاما بارىسىندا «سٷيٸنشٸ. شاشۋ» كٶرٸنٸسٸ قويىلدى. وندا ۇلتتىق كيٸمدەگٸ اتتىلى جارشىلار «ناۋرىز» كەلگەنٸ جٶنٸندە سٷيٸنشٸ سۇراپ, شاشۋ شاشتى. الاڭدا تٷركٸتٸلدەس مەملەكەتتەرگە ارنالعان 6 كيٸز ٷي كٶتەرٸلٸپ, تٷركٸتٸلدەس مەملەكەتتەردٸڭ «ناۋرىز» كەرۋەنٸ كەلدٸ. كەرۋەندە 18 تٷيە, 30 ات, 4 اربا جەنە تٷركٸتٸلدەس مەملەكەتتەردەن كەلگەن 300-گە جۋىق مەدەنيەت مايتالماندارى ٶنەر كٶرسەتتٸ.
سالتاناتتى جيىندا تٷركٸتٸلدەس مەملەكەتتەردٸڭ ەلەم حالقىن بٸرلٸككە, دوستىققا, بەيبٸتشٸلٸككە شاقىرۋعا ارناعان ٷندەۋٸ قابىلداندى.
«تٷركٸستان – تٷركٸ ەلەمٸنٸڭ مەدەني استاناسى» جىلىنىڭ اياسىندا, ناۋرىز مەرەكەسٸنە وراي, تٷركٸستان قالاسىندا تٷركٸ ەلەمٸنٸڭ «ناۋرىز» حالىقارالىق اقىندار ايتىسى مەن تٷركٸ ەلەمٸنٸڭ «بۇراڭ بەل» بي فەستيۆالٸ ٶتەدٸ.
وقو ەكٸمٸنٸڭ باسپاسٶز قىزمەتٸ
