Túrkistan qalasynyń ákimi: "Eski úilerdi súrý? Turǵyndarǵa túsindirý jumystaryn júrgizýdemiz"
«Barlyq turǵynǵa zań aiasynda jerdiń ár sotyǵyna 515 myń teńge beriledi, sondai-aq, turǵyn úiler bólek baǵalanyp, baǵasyna sai qarjy bólinedi», — dep málimdedi ol.
Ilgeride aityp ótkendei qazirgi tańda zańǵa sáikes, memleket muqtajdyǵy úshin jer telimderin qaitarý jáne baǵalaý jumystaryna kelispegen turǵyndarmen túsindirme is-sharalary júrgizilip jatyr. Osy kúnge deiin qala ákiminiń jáne tiisti bólim basshylarynyń, quqyq qorǵaý organdarynyń, qala prokýratýrasy ókilderiniń qatysýymen (18-jeltoqsan 2018 jyly, Mádeniet úiinde 70 azamattyń qatysýymen) májilis ótkizilip, jan-jaqty túsindirildi.
Sonymen qatar, kelispegen turǵyndarmen arnaiy ótinishteri boiynsha jumys isteý úshin 2018 jylǵy 14-jeltoqsandaǵy №780 qala ákiminiń ókimimen 29 adamnan quralǵan komissiia jumys isteýde.
Aita ketelik budan buryn Túrkistan qalasynyń birneshe turǵyny oblys ákimi J.Túimebaevtyń qabyldaýynda bolǵan edi.
Aimaq basshysy oblys ortalyǵy bolǵan Túrkistan qalasynda jańa josparǵa sáikes kóptegen qurylys nysandary salynady dep josparlanyp otyrǵanyn tilge tiek etken edi.
«Túrkistan — týrizm, túrki halyqtarynyń ortalyǵyna ainalsyn dep jatyrmyz. Ol úshin ainaladaǵy eski úilerdin ornyna jańa ǵimarattar boi kóterý kerek", – degen edi Janseiit Túimebaev.
