2019 jyly memlekettik orman qory jerlerine 13 600 ga mádeni kóshetter men sekseýildiń tuqymy sebilgen. Josparǵa sáikes, kútip-baptaý, tolyqtyrý jáne ormannyń tabiǵi urpaqtanýyna yqpal jasaý sharalary atqarylǵan.
Suǵanaqtyqqa qarsy kúres sharalaryn júrgizý aiasynda orman kúzeti qyzmetkerlerimen 1 000 jýyq reidtik is-sharalar uiymdastyrylyp, 355 zań buzýshylyq faktileri anyqtalǵan.
Zań buzýshylarǵa 7 mln 671 myń teńge ákimshilik aiyppul salyndy. Oblys ákimdigimen 2019-2020 jyldarǵa arnalǵan suǵanaqtyqpen kúresý jónindegi birlesken is-shara jospary bekitilgip, suǵanaqtyqqa qarsy kúres jumystary turaqty túrde júrgizilýde.
Óńirde 124 jergilikti mańyzy bar balyq sharýashylyǵy sý aidyny bar. Onyń ishinde 68 sý aidyny oblys ákimdiginiń balyq sharýashylyǵyn júrgizýge jaramdy sý aidyndarynyń tizbesine engizilip, 9 sý aidyny 7 tabiǵat paidalanýshyǵa bekitilip berildi. Búgingi kúni 59 sý aidyny rezervte.
Jalpy oblysta 28 ańshylyq alqap bolsa, onyń 15-i tabiǵat paidalanýshylarǵa bekitilip berilgen. Qalǵan 13 ańshylyq alqap rezervte. Bekitip berý boiynsha tiisti jumystar júrgizilýde.
Al, Syrdariia ózeniniń boiynda arnaiy qurylǵan tuqymbaqtaǵy Buhar buǵylarynyń sany 158 basqa jetken. Sondai-aq, Sozaq orman sharýashylyǵyndaǵy tuqymbaqqa Almaty oblysynda ornalasqan «Altyn Emel ulttyq parkinen 20 bas qaraquiryq pen 20 bas qulan ákelý jumystary uiymdastyrylýda.
Aita keteiik, Túrkistan qalasy Bas josparyna sáikes, qala ainalasynan 7 700 ga «Jasyl beldeý» qurý josparlanǵan. Ótken jyly 2300 gektar jer igerilip, 1 mln.nan astam ár túrli kóshetter egildi. Búginde kútip-baptaý, qorǵaý jáne ósimin molaitý jumystary jalǵasýda. Biyl 2400 gektar jerge 1 mln.-nan astam kóshet egý josparlanyp, jumystar bastaldy.
