Túrkistan. Ózbekstan taýar ainalym 447 mln. dollardy qurady
2018 jyldyń 11 ailyq qorytyndysy boiynsha departamenttiń keden beketterimen 14 539 taýarlarǵa arnalǵan deklaratsiia resimdelgen. Bul byltyrǵyǵa qaraǵanda 16,2 paiyzǵa óskendigin kórsetip otyr.
«Departamenttiń keden beketteri arqyly 174 865 júk avtokólik quraldary ótip, ótken jylmen salystyrǵanda 63,7 paiyzǵa ósken. Sondai-aq, 244 310 jeńil avtokólik shekaradan ótken. Budan ózge, 17 019 264 azamat shekaradan ótip, byltyrǵyǵa qaraǵanda 46,8 paiyzǵa kóbeigen. Keden beketterinde kezekte turǵan avtokólik quraldarynyń ótýin jyldamdatý maqsatynda keden beketine qosymsha qyzmetkerler men jumys oryndary kóbeitildi. Sondai-aq, avtokólik quraldarynyń ótkizý qabilettiligin arttyrý maqsatynda, 2019 jyldyń aqpan aiynan bastap «B.Qonysbaev» ótkizý pýnktiniń qaita qurý qurylysynyń bastalýy josparlanýda. Bul jobada avtokólikterdiń kirip-shyǵý jolaqtary 2 den 6 jolaqqa deiin ulǵaiý qarastyrylǵan», - dedi Eldos Ermaǵanbetuly.
Departamenttiń qyzmet etý aimaǵynda Eýraziialyq ekonomikalyq odaqtyq keden shekarasy arqyly ótkizilgen taýarlar men tulǵalarǵa qatysty 514 ákimshilik is qozǵalǵan. Odan basqa, 33 fakti boiynsha qylmystyq is qozǵalyp, onyń ishinde, 31 fakti boiynsha esirtki zattardy tasymaldaýǵa qatysty, 1 fakti meditsinalyq preparattar boiynsha jáne 1 fakti boiynsha ekonomikalyq kontrabandaǵa qatysty qylmystyq ister bolyp otyr.
Sonymen qatar, kedendik rásimderdi jańǵyrtý men kedendik jáne salyqtyq ákimshilendirý avtomattandyrý júieleri jańartylyp keledi.
Túrkistan oblysynyń óńirlik kommýnikatsiialar qyzmeti
