Túrkistan oblysynyń barlyq qalalarynyń ishinde alǵash bolyp Túrkistan oblysyndaǵy sıfrlandyrý baǵdarlamasyna Saryaǵash aýdany qosyldy.
Sıfrlandyrý ortalyǵymen birge aqyldy qala – Sary Agash Digital jobasy ázirlendi.
2021 jylǵa deıin eseptelgen jobalar portfelinde barlyǵy 28 joba bar, atap aıtar bolsaq olar: qalany tıimdi basqarý jáne osy proseske belsendi azamattardy tartýdy qamtamasyz etpek.
Sıfrlandyrý ortalyǵynyń aldaǵy jospary – Ulttyq Geoaqparattyq júıesiniń bóligi retinde Túrkistan oblysynyń Biryńǵaı geoportalyn qurý, sonymen birge Túrkistan oblysyn sıfrlandyrýǵa nıetti otandyq IT kompanıalarǵa sıfrlandyrý jobalaryn júzege asyrýlary úshin biryńǵaı servıstik model usyný.
Esterińizge sala ketelik «Sıfrlandyrý jobalaryn úılestirýdi, saraptamalyq qoldaýdy jáne ózara yqpaldastyrýdy qamtamasyz etý úshin Túrkistan oblysynyń ákimdigi «Túrkistan» ÁKK» AQ bazasynda 2018 jyly qazan aıynda sıfrlandyrý ortalyǵyn qurǵan bolatyn.
Búgingi ýaqytta Sıfrlandyrý ortalyǵy Sıfrlyq Qazaqstan memlekettik baǵdarlamasyn júzege asyrý sheńberinde 15-ten astam halyqaralyq jáne Qazaqstandyq IT kompanıalarmen yntymaqtastyq týraly memorandýmdarǵa qol qoıdy.