Túrkistan oblysynda jyl sońyna deıin paıdalanýǵa beriletin 44 jańa mekteptiń 15-i búgin, bilim kúni 15 mektep paıdalanýǵa berildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Solardyń biri – Saýran aýdanyndaǵy jańa Shaǵa aýyldyq okrýgine qarasty Yntymaq eldimekeninde ornalasqan №13 jalpy orta mektep. 500 oqýshyǵa arnalǵan bilim uıasynda 30 muǵalim dáris beredi.

Zamanaýı úlgide salynǵan úsh qabatty bilim ordasynda úlken sportzal bar. 100 oryndy qamtıtyn ashana qarastyrylǵan. Dáriger bólmesi jumys isteıdi. Jańa oqý jyly Túrkistan oblysynda 900-den astam mektepte 500-myńnan astam bala bilim alady.



Túrkistan oblysy boıynsha jalpy 78 mekteptiń qurylysy júrgizilýde. Onyń ishinde oblystyq búdjetten 70 mektep, «Aýyl-El besigi» jobasymen 8 mektep salynyp jatyr. Budan bólek, Túrkistan qalasynda 720 oryndyq Nazarbaev Zıatkerlik mektep salyndy.

Bıylǵa jalpy 47 mektep qurylysy josparlanǵan. Onyń ishinde 44 mektep búdjettik, 3-ýi jeke ınvestısıa esebinen. Mekteptegi oqýshylardyń qaýipsizdigin qamtamasyz etý maqsatynda oblysta 900 memlekettik mektep tolyǵymen beınebaqylaý júıesimen qamtamasyz etilgen.