Túrkistan oblysynda adam ólimine ákelgen jantúrshigerlik jol-kólik oqiǵasy boldy, dep habarlaidy dalanews.kz.
Qaiǵyly oqiǵa 15 shilde kúni Shaian – Ekpindi tasjolynda bolǵan.
Politsiianyń aldyn ala málimetinshe, túngi ýaqytta Toyota Camry men Volkswagen Passat avtokólikteri soqtyǵysqan. Saldarynan jeti adam oqiǵa ornynda kóz jumǵan.
Atalǵan derek boiynsha qylmystyq is qozǵaldy. Qazirgi ýaqytta tergeýshiler jol apatynyń barlyq mán-jaiyn anyqtap jatyr.
– Qajetti tergeý áreketteri júrgizilip jatyr. Onyń qorytyndysy boiynsha tiisti protsestik sheshim qabyldanady, – dep habarlady politsiia.
Tártip saqshylary júrgizýshilerdi jol qozǵalysy erejelerin qatań saqtaýǵa, jol men aýa raiy jaǵdaiyn eskerýge jáne qaýipsiz jyldamdyqty tańdaýǵa shaqyrdy.
